Ballina Bota Ndodh edhe kështu, makinisti ngatërron destinacionin, e çon trenin 273 km larg

Ndodh edhe kështu, makinisti ngatërron destinacionin, e çon trenin 273 km larg

Një tren që udhëtonte nga Neëcastle për në Reading përfundoi “duke humbur” 273 kilometra larg në Sheffield. Pasagjerët e treni të zhgënjyer u lanë në Pontefract, West Yorkshire, pasi morën shërbimin e CrossCountry të premten.

Është e paqartë pse pikërisht treni përfundoi në Pontefract, ndonëse CrossCountry tha se gabimi pasoi një devijim të mëparshëm. Mendohet se pikat sinjalizuese të vendosura për shërbimin ishin të pasakta, duke e çuar trenin të “marrë kthesën e gabuar”.

Pasi u bllokua në Pontefract, treni udhëtoi drejt Sheffield. Pasagjerët pastaj morën shërbime alternative për të vazhduar udhëtimet e tyre. Udhëtimi nga Sheffield në Reading merr një kohë prej 3 orësh e 15 minuta.

Njerëzit që udhëtonin në shërbimin e së premtes prej orës 14:30 të CrossCountry ishin duke pritur që të bënin udhëtimin afër 482 km në vetëm disa orë. Ata do të mbërrinin në Reading rreth orës 19:00

Udhëtarja Jeni Harvey shkroi në Tëitter, duke thënë se shoferi kishte ‘humbur’ në Pontefract, dhe se ajo dhe pasagjerët u larguan.

Ajo shkroi: “Aktualisht në një tren të humbur diku afër Pontefract. Ne jemi të mbërthyer, sepse shoferi ‘shkoi në rrugën e gabuar’. Kush e dinte se kjo ishte e mundur?!”

Përdoruesit e habitur të mediave sociale iu përgjigjën postimit të saj. Ruth Adams, shkruan: “Me të vërtetë nuk e dija se trenat mund të humbasin!”

Artikulli paraprakBie nga kati i 6, fëmija shpëtohet nga kalimtarët me çarçaf (Video)
Artikulli tjetër“Kim Jong-un zotohet për samitin me Trump dhe denuklearizimin e Koresë”