Ballina Bota Itali, zogjtë “e çmendur” përplasen me shtëpitë

Itali, zogjtë “e çmendur” përplasen me shtëpitë

Emilia Romagna është pushtuar nga zogjtë. Nëse Cesena po përballet me brejtësit në rrugë, Rimini ka probleme me zogjtë. Sipas mediave lokale, zogjtë e “çmendur” përplasen mbi shtëpi dhe makinat në lëvizje.

Rasti i parë ka ndodhur përpara një jave. “Isha duke punuar në bodrumin e shtëpisë. Në një moment djali im erdhi tek unë shumë i entuziazmuar, duke thënë se njëqind zogj ishin rrëzuar në një nga dritaret tona. Pas 10 minutash ata rifilluan fluturimin e tyre, por dukeshin si të çoroditur”, -tregoi një banor i zonës.

Më pas një tjetër banor rrëfen fenomenin e pazakontë dhe të frikshëm gjithashtu. “Isha në Marecchiese kur xhami u bë i zi. Një zhurmë e madhe u krijua. U ndala menjëherë sepse nuk shihja më asgjë. Më vonë kuptova se isha goditur nga një tufë zogjsh. Shumë prej tyre ngordhën në vend. Xhami u mbush me gjak dhe pupla”.

Ekspertët kanë nisur hetimet në lidhje me fenomenin në fjalë. Dyshohet se zogu që udhëhiqte tufën mund të ketë humbur kontrollin, e për pasojë ka ndodhur përplasja e tyre me banesat apo makinat. Gjithsesi mostrat e shpendëve të ngordhur janë dërguar në laborator për të zbuluar arsyen.

@tn.lajmelokale
@tetovanews