Ballina Aktualitet Rajoni Vojvodina me pllakate “Putin, shko në shtëpi”

Vojvodina me pllakate “Putin, shko në shtëpi”

Nëpër disa qytete të Vojvodinës sot janë vendosur përplot pllakate me mbishkrimet në gjuhën angleze: “Putin, shko në shtëpi”, transmeton Koha.net.

Mbishkrimet janë nënshkruar nga organizata Mlada Vojvodina (Vojovdina e Re) , njofton telegraf rs.

Pllakatet u vendosën në Novi Sad, Zrenjanin, Kikindë, Petrovc, Vërbas, Beçej, Beçejin e Ri, Kovaçicë.

Organizata Mlada Vojvodina në fund të nëntorit në Novi Sad kishte vendosur pllakatet “Sheshi i Republikës së Vojvodinës”.

Kjo kishte ndodhur një ditë pasi që presidenti i Serbisë Aleksandar Vuçiq aty zbuloi shtatoren e mbretit Petar të Parë Karagjorgjeviq me rastin e 100 vjetorit të aneksimit të Vojvodinës nga Serbia.

Më parë , në disa vende të Vojvodinës kishin gdhirë pllakatet me mbishkrimin “Pas 100 vjetësh Hong Kongu ka thënë lamtumirë”.

Artikulli paraprakSerbia ngrihet në këmbë – Po vjen Putini!
Artikulli tjetërPutin mbërrin në Beograd, shikojeni direkt pritjen e tij nga Vuçiq (VIDEO)