Ballina Bota Nis “lufta” me SHBA-në, ushtarët turq drejt Rusisë për trajnimin anti-raketor

Nis “lufta” me SHBA-në, ushtarët turq drejt Rusisë për trajnimin anti-raketor

Personeli ushtarak turk, i ngarkuar me operimin e sistemeve të mbrojtjes raketore S-400 do të arrijë në Rusi në fund të majit. Lajmi është bërë i ditur për mediat turke nga një burim ushtarak rus.

“Në fund të majit, rreth 100 ushtarakë turq do të fillojnë trajnimin në një qendër ushtarake ruse për të operuar sistemet e mbrojtjes raketore S-400”, citon burimi anonim i “TASS”.

Sistemet S-400 do të dorëzohen në Turqi nga eksportuesi i pajisjeve ushtarake të Rusisë, “Rosoboronexport” deri në fund të vitit, ashtu siç është planifikuar.

Personeli ushtarak turk, së bashku me personelin nga Kina do të trajnohen në një qendër ushtarake,

“Trajnimi anti-raketor nga Kina dhe Turqia do të përfaqësojë një rast të pashembullt në historinë e (ish-Bashkimit Sovjetik) dhe Rusisë moderne”, tha burimi për TASS.

Nga ana tjetër, SHBA ka paralajmëruar presidentin Rexhep Taip Erdogan që të mos blejë raketa nga Rusia, pasi në të kundërt do të ketë sanksione të ashpra ndaj Turqisë.

Mirëpo, lideri turk duket se nuk është trembur nga këto kërcënime, duke vijuar planin e tij për forcimin e ushtrisë.

Artikulli paraprakSi nëpër filma/ Zbulohet se si këngëtarja shqiptare i merrte shuma të mëdha parash çiftit zviceran…
Artikulli tjetërIsh-kryeministri në arrati Nikola Gruevski boton një libër