Ministri i Shëndetësisë, Venko Filipçe, në lidhje skype nga shtëpia, pasi ndodhet në vetizolim, ka njoftuar për gjendje aktuale me koronavirusin në vend. Ai tha se ky skenar ishte i pritshëm, këto numra priteshin pasi jemi në pikune e epidemisë. Por gjithsesi ai siguroi se Ministria e Shëndetësisë është e organizuar për të vazhduar më tutje me situatën. Sipas tij edhe numri i të infektuarve në Kumanovë ishte i pritshëm, pasi klasteri është zgjeruar. Ai konfirmoi edhe 107 të infektuarit e rinj, duke e çuar numrin e përgjithshëm të të infektuarve në 1 081. Ndërsa janë shëruar edhe 18 pacientë të tjerë. Ka ndërruar jetën edhe 1 pacient tjetër nga rrethinat e Strugës, i moshës 50 vjeçare. Gjendja e tij ishte vështirësuar kohët e fundit. Ministri përsëriti edhe një herë në fund të lidhje-konferencës se ky numër nuk është befasues sepse jemi në pikun e pandemisë në këto ditë. Ai apeloj edhe një herë të qëndrohet në shtëpi sa të kalojë ky pik.
