Ballina Koronavirusi Ja çfarë thotë shkencëtari që u vetë-infektua dy herë me Covid-19

Ja çfarë thotë shkencëtari që u vetë-infektua dy herë me Covid-19

Një profesor që infektoi veten me koronavirus për herë të dytë me qëllim të studionte efektivitetin e anti-trupave të fituara, thotë së fundmi se shpresat për krijimin e “imunitetit të tufës” janë të ekzagjeruara.

Dr Alexander Chepurnov, 69 vjeç, u infektua me Covid-19 për herë të parë në shkurt gjatë një udhëtimi në Francë. Pas shërimit në shtëpi në veri të Rusisë, pa pasur nevojë të shtrohej në spital, ai vendosi të riinfektohet për të vënë në provë imunitetin e fituar, raportojnw mediat e huaja.

Grupi i tij në Institutin e Mjekësisë Eksperimentale në Novosibirsk studioi ‘mënyrën e sjelljes së anti-trupave, fuqinë e tyre dhe kohëzgjatjen e qëndrimit të tyre në trup’.

Shkencëtarët zbuluan se qelizat që luftojnë Covid-19 reduktoheshin shpejt. Dr Chepurnov tha: “Në fund të muajti të tretë prej momentit që u ndjeva i sëmurë, ne nuk mund të pikasnim më anti-trupa”.

Infektimi i tij i dytë ishte më i rëndë se i pari dhe u detyrua të shtrohej në spital.

“Për pesë ditë temperatura më qëndronte mbi 39C. Humba ndjesinë e nuhatjes dhe ndjesia e shijes ndryshoi. Në ditën e tretë të sëmudjes skanimi i mushkërive me rreze X nuk tregonte asnjë problem, ndërsa tre ditë më vonë isha me pneumoni të dyfishtë”.

Pas studimit Dr Chepurnov arriti në konkluzionin se shpresat për të mundur pandeminë me anë të idesë imunitetit të tufës janë të ekzagjeruara.

“Imuniteti i tufës” është idea e mbrojtjes së përgjithshme të komunitetit me anë të infektimit masiv beninj (jo të rëndë) që do të shkaktonte krijimin e antitrupave mbrojtës në të gjithë komunitetin.