Ballina Aktualitet Tetovë, 252 infermiere dhe 11 mjek kërkojnë punë

Tetovë, 252 infermiere dhe 11 mjek kërkojnë punë

Në kushtet kur në institucionet shëndetësore të vendit ka mungesë të profesionistëve shëndetësorë që të angazhohen në ndihmë për trajtimin e Covid-19, në Tetovë dhe komunat përreth ka të regjistruar persona nga radhët e mjekëve dhe infermierëve që janë në kërkim të një vendi pune.

Sipas të dhënave të Entit për Punësim në Tetovë, numri i personave të papunë që regjistrohen si punëkërkues aktivë në Tetovë është 11 mjekë të papunë.

– Sa i përket teknikëve mjekësorë të cilët janë shprehur se po kërkojnë punë në mënyrë aktive në Tetovë, ka 252 punëkërkues aktivë – informon Ljupço Apostolovski, shefi i entit për punësim në Tetovë.

Sipas evidencës së personave të papunë deri më 31 tetor, në rajonin e Tetovës janë gjithsej 19,401 persona të papunë . Të dhënat janë për gjashtë komunat e Tetovës.

– Shumë nga të papunët regjistrohen për shkak të përdorimit të masave të dhëna nga Qeveria për të papunët. Ekziston një pranim masiv i personave të papunë në mënyrë që të përdoren masat e parapara nga Qeveria për njerëzit e papunë, përkatësisht ndihma prej gjashtë mijë denarësh për ata që nuk e kanë shfrytëzuar në periudhën e mëparshme – tha Apostolovski.

Nga numri i përgjithshëm i të papunëve, 1,740 kanë arsim të lartë, 102 me master, dhe ka katër doktorë të shkencave./tn

@tn.lajmelokale
@tetovanews