Ministria e Punëve të Brendshme informon se në bashkëpunim me Inspektoratin Shtetërorë të Tregut gjatë ditës së djeshme në rajonin e Shkupit janë kryer 285 kontrolle në përputhje me Ligjin për Mbrojtje të Popullatës nga SËmundjet Infektive.
Nga kontrollet janë regjistruar katër shkelje të orarit të punës, respektivisht në dy objekte në Saraj, një në Aerodrom dhe një në Gazi Babë. Objektet në fjalë kanë punuar pas orës 18:00 duke e shkelur masën e qeverisë për mbyllje të lokaleve, me qëllim parandalimin e përhapjes së Covid-19, transmeton Alsat.
Në objektin në rrugën “Pero Nakov” rreth orës 18:40 është konstatuar se objekti ka pranuar mysafirë. Është arrestuar pronari B.H.
Në një tjetër objekt në Bulevardin “Brigada e Tretë Maqedonase” është konstatuar se janë prnuar perosona pas orës 20:30. Është arrestuar pronari D.J.
Shkelje të masës së qeverisë janë konstatuar edhe në një çajtore në fshatin Kopanicë si dhe ë një kafe-bar në fshatin Çajlanë.
MPB njofton se kundër të gjithë pronarëve do të parashtrohet padi penale.
