Ballina Bota Shirat e dendur kthejnë kampet e Sirisë në ‘liqene’ (VIDEO+FOTO)

Shirat e dendur kthejnë kampet e Sirisë në ‘liqene’ (VIDEO+FOTO)

Shirat e dendur kanë shkaktuar përmbytje të shumta në kampet e Sirisë, duke i marrë jetën një  f ë m i j e  dhe duke dëmtuar e  sh k a t ë rr u a r  çadrat e mijëra familjeve.

M b r o j t j a  Civile Siriane njoftoi se, një  d j a l ë  gjashtë-vjeçar humbi jetën në provincën Idlib, pasi një mur me tulla që ishte afër çadrës u shemb duke e lënë të  v d e k u r.

Grupi tha se Abdulrazzak al-Jubasi humbi jetën gjatë rrugës për në spital.

Një total prej të paktën 41,200 personash u prekën nga stuhia  sh k a t ë rr u e s e. Helmetat e Bardha thanë se ekipet e saj kishin dokumentuar dëmtime në 169 kampe në Idlib dhe Alepo.

Në një kamp në  b a s t i o n i n  e mbajtur nga  r e b e l ë t, çadrat e improvizuara të familjeve të zhvendosura nga  l u f t a  ishin shtrirë në pellgje me baltë pas disa ditësh me shi, tha një korrespondent i agjencisë së lajmeve AFP.

Abu Qassem tha se ai dhe familja e tij kishin qenë duke  l u f t u a r  për ditë me radhë për të mbajtur të thatë çadrën e tyre në lagjen Maaret Misrin.

“Ne kemi qenë duke notuar në ujë për tre ditë tani,” tha babai i tetë fëmijëve. “Uji ka depërtuar në çadrat tona dhe gratë po përpiqen ta shpëtojnë atë me kusht.”

Vullnetarët e Helmetave të Bardha punuan me buldozerë për të hequr baltën e tepërt.

“Kampi është kthyer në një liqen,” tha Mahmud al-Allawi, një tjetër banor,. “Asnjë fjalë nuk mund ta përshkruajë vuajtjen tonë”, shtoi 24-vjeçari.

Në një kamp në zonën Kafr Uruq, disa banorë u përpoqën të heqin baltën nga çadrat e tyre, tha i njëjti reporter.

Të rriturit dhe fëmijët më me fat kishin veshur çizme gome, por të tjerët vrapuan nëpër pellgje me veshje të lehta sportive, pantallona të mbështjella deri në gju dhe këpucë plastike me gishta të hapur.

Zyrtari i lartë humanitar i Kombeve të Bashkuara Mark Cutts e përshkroi “si të mjerueshme në kampet e përmbytura të zhvendosjes në Idlib dhe zonat e tjera”.

Dhjetëra mijëra njerëz u shpërndanë për të gjetur strehim nëpër shkollat dhe xhamit e vendit.

Të tjerët u detyruan të flinin në qiell të hapur në temperatura nën zero gradë.

Idlib është shtëpia e rreth 3 milionë njerëzve, rreth gjysma e tyre janë zhvendosur nga  l u f t a gati 10-vjeçare në pjesë të tjera të vendit.