Ballina Aktualitet Ardit Gjebrea shërohet nga COVID: Falenderoj ëngjëllin mbrojtës për ditët e netët...

Ardit Gjebrea shërohet nga COVID: Falenderoj ëngjëllin mbrojtës për ditët e netët pa gjumë

Moderatori i njohur i emisionit “E Diela Shqiptare”, Ardit Gjebrea përmes një postimi në rrjetet sociale ka njoftuar se e ka mposhtur Covid-19, tani ndihet më mirë dhe ka nisur të rikuperohet.

Gjebrea falenderon mjekun Adrian Jorgjin që e ngriti në këmbë, infermieren e tij Florën për gjithë durimin që ka treguar, bashkëshorten e tij Anilën që e quan engjëllin mbrojtës dhe të gjithë miqtë që janë interesuar përditë për gjendjen e tij.

“Kaq ishte! Tani filloi rikuperimi dhe së pari falënderoj: dr. Adrian Jorgjin që më ngriti në këmbë, infermiere Florën për durimin, Anilën engjëll mbrojtës për ditët dhe netët pa gjumë, miqtë që çdo mëngjes më mbushnin inbox të WhatsApp me merakun e tyre.

Faleminderit dhe të gjithë ju që më keni shkruar dhe uruar shërim të shpejtë, jeni shumë të mirë dhe bekimet tuaja ishin doza e duhur për të mbajtur optimizmin lart – motiv force! Tani sigurisht do duhet pak kohë deri sa të ndez të 5 motorët, po kush na nxiton? Dielli doli”, ka shkruar Ardit Gjebrea.

@tn.lajmelokale
@tetovanews