Ballina Shëndeti Koronavirusi Koronavirusi evoluon në variante të reja, por edhe antitrupat tanë pësojnë mutacione

Koronavirusi evoluon në variante të reja, por edhe antitrupat tanë pësojnë mutacione

Deri në çfarë mase antitrupat e prodhuar në infeksionet e mëparshme CoViD-19 ose vaksinat do të na mbrojnë nga variantet e reja të SARS-CoV-2? Për momentin nuk është e mundur të përgjigjemi me siguri dhe supozohet se vaksinat anti-Covid do të azhurnohen periodikisht. Por shenja qetësuese dalin nga studimet që monitorojnë evolucionin me kalimin e kohës të antitrupave të zhvilluar kundër SARS-CoV-2. Sigurisht, virusi ndryshon, por edhe sistemet tona imune nuk qëndrojnë prapa.

Siç është shpjeguar në një artikull në The Conversation, disa studime kanë krahasuar efikasitetin e antitrupave të prodhuar nga një infeksion i kohëve të fundit SARS-CoV-2 dhe ato më të “pjekura” të pranishme në të njëjtin organizëm gjashtë muaj më vonë. Siç e dimë, sasia e antitrupave neutralizues të adresuar ndaj patogjenit zvogëlohet me kalimin e muajve, sepse nuk ka më një infeksion në zhvillim: për këtë arsye është e rëndësishme që edhe ata që tashmë janë shëruar nga Covid të vaksinohen. Por disa antitrupa të pranishëm gjashtë muaj pas infeksionit të parë duket se kanë ndryshuar, dhe për mirë.

Ndryshe nga ato në viruse, mutacionet e antitrupave nuk janë plotësisht të rastësishme, por drejtohen nga një enzimë që gjendet vetëm në qelizat B (deaminaza e nxitur nga aktivizimi, AID). Detyra e kësaj enzime është pikërisht të shkaktojë mutacione në ADN përgjegjëse për kodimin e pjesës së antitrupave të aftë për të njohur virusin, të ashtuquajturin “vend lidhës”.

Disa nga këto mutacione përmirësojnë aftësinë e antitrupave për tu lidhur me virusin e synuar, të tjerët e përkeqësojnë atë, të tjerët akoma nuk kanë efekt: por qelizave B që kanë mutacionet më të favorshme në këto vende u jepen sinjale pozitive që shkaktojnë replikim më të shpejtë. Në këtë mënyrë, përmes proceseve të njëpasnjëshme të përzgjedhjes natyrore, afiniteti midis antitrupave dhe proteinave virale që do të synohen përmirësohet me kalimin e kohës. (Focus, scan)

Artikulli paraprakANALIZA/ Perëndimi dhe Rusia: Rrënjët kulturore e një konfrontimi, pse nuk kuptohen?
Artikulli tjetër23 832 raste të reja me COVID dhe 401 humbje jete në 24 orët e fundit në Itali