Ballina Aktualitet 62 raste të reja me Covid në Maqedoninë e Veriut dhe 25...

62 raste të reja me Covid në Maqedoninë e Veriut dhe 25 jetë të humbura

62 raste të reja me Covid janë regjistruar gjatë 24 orëve të fundit në Maqedoninë e Veriut, ndërsa kanë ndërruar jetë 25 persona. Ministria e Shëndetësisë bën të ditur se gjatë 24 orëve të fundit janë bërë 572 testime dhe rastet e reja janë 32 në Shkup, nga 7 në Prilep dhe Shtip, 5 Kumanovë, Strumicë 4, Kavadar 3, Veles, Koçani, Kërçovë dhe Vinicë 1.

Gjatë 24 orëve të fundit janë regjistruar edhe 398 pacientë të shëruar nga koronavirusi dhe po ashtu ka pasur 25 të vdekur, ndërsa 10 prej tyre janë nga Shkupi, nga dy në Tetovë, Kavadar dhe Strumicë si dhe nga një në Kumnaovë, Prilepi, Manastir, Veles, Shtip, Ohër, Koani, Probishtip dhe Demir Hisar.

Që nga fillimi i pandemisë në Maqedoni me Covid 19 janë diagnostifikuar 152.747 pacientë me koronavirus, ndërsa prej tyre 133.871 janë shëruar dhe 4.961 kanë humbur jetën. Numri i rasteve aktive është 13.915.

@tn.lajmelokale
@tetovanews