Jeff Bezos, një nga njerëzit më të pasur në botë dhe shefi ekzekutiv i Amazon ka konfirmuar se do të udhëtojë në hapësirë muajin tjetër. Bezos, i cili themeloi kompaninë hapësinore “Blue Origin” në vitin 2000, do të fluturojë së bashku me vëllain e tij dhe fituesin e një ankandi.
“Që kur isha pesë vjeç, kam ëndërruar të udhëtoj në hapësirë. Më 20 Korrik, unë do ta bëj këtë udhëtim me vëllain tim. Aventura më e madhe, me mikun tim më të mirë.”, tha Bezos. Fluturimi do të shënojë një moment historik në misionin për të dërguar klientët që paguajnë në hapësirë.
Nëse gjithçka shkon sipas planit, Bezos do të jetë i pari nga manjatët miliarderë që do të përjetojë një udhëtim në teknologjinë e raketave. As Elon Musk, SpaceX i të cilit ndërton raketa mjaft të fuqishme për të hyrë në orbitë rreth Tokës, nuk ka njoftuar planet për të udhëtuar në hapësirë në bordin e njërës prej kompanive të tij. xh.d/abcnews.al
