Ballina Bota Vietnami miraton vaksinën Abdala ndërsa presidenti viziton Kubën

Vietnami miraton vaksinën Abdala ndërsa presidenti viziton Kubën

Abdala bëhet vaksina e tetë Covid-19 e miratuar për përdorim në Vietnam, i cii ka një nga nivelet më të ulëta të vaksinimit në rajon.

Kuba deklaroi më parë se vaksina e saj Abdala kundër koronavirusit ishte provuar dhe është 92.28 për qind efektive
Vietnami ka miratuar vaksinën Abdala të Kubës për përdorim kundër Covid-19 , deklaroi qeveria të shtunën, pasi vendi i Azisë Juglindore po përballet me përhapjen më të madhe të virusit.Abdala bëhet vaksina e tetë Covid-19 e miratuar për përdorim në Vietnam, e cili ka një nga nivelet më të ulëta të vaksinimit në rajon, me vetëm 6.3 përqind të 98 milionë banorëve të saj që kanë marrë të paktën dy doza.
Njoftimi erdhi disa orë pasi Presidenti Nguyen Xuan Phuc u largua nga Hanoi për një vizitë zyrtare në Havana.

Vietnami ka regjistruar 667,650 të prekur nga koronavirus dhe 16,637 viktima, shumica dërrmuese në përhapjen e variantit Delta nga fundi i prillit.
“Ministria e shëndetësisë ka miratuar vaksinën Abdala, bazuar në nevojën urgjente të vendit për lu*ftën kundër COVID-19,” tha qeveria në një deklaratë.

Ministria deklaroi muajin e kaluar se Kuba do ta furnizonte Vietnamin me sasi të mëdha të vaksinave Abdala dhe do të transferonte teknologjinë e prodhimit deri në fund të vitit.
Vietnami dhe Kuba janë ndër pesë vendet e fundit të planetit të drejtuara nga komunistët, së bashku me Kinën, Laosin dhe Korenë e Veriut.

Në korrik, Vietnami u bëri thirrje Shteteve të Bashkuara që t’i japin fund “politikës arm*iqësore” ndaj Kubës dhe të heqin embargon e saj të gjatë tregtare pas protestave të rralla antiqeveritare në ishull.

Kuba më parë tha se vaksina e saj Abdala me tre doza kundër koronavirusit ishte provuar dhe ka rezultuar me efektivitet 92.28./TetovaNews

Artikulli paraprakFranca: Kriza serioze me SHBA-në do të prekë edhe NATO-n
Artikulli tjetërSilueta e fytyrës njerëzore e formuar nga retë në Stamboll ka trembur dhe befasuar ata që e kanë parë/ Të gjithë flasin për këtë ngjarje (VIDEO+FOTO)