Ballina Bota Alarmi në Turqi: Kush po e fsheh ‘boss-in’ turk të mashtrimit me...

Alarmi në Turqi: Kush po e fsheh ‘boss-in’ turk të mashtrimit me kriptomonedhat në Shqipëri?

Media turke ka ngritur alarmin se kush po e fsheh “boss-in” turk të mashtrimit me kriptomonedhat në Shqipëri

Prej 8 muajsh në arrati, ende asnjë gjurmë nga bosi i kriptomonedhave turke.

Faruk Fatih Özer, themeluesi i shkëmbimit të kriptove Thodex, humbi gjurmët pasi u konstatua se ai u arratis në Shqipëri më 20 prill 2021 me miliona dollarë kripto, para që i përkisnin 400 mijë njerëzve.

Mësohet se pavarësisht përpjekjeve të përbashkëta me policinë shqiptare, me ekipin e posaçëm të ngritur nga Policia e Stambollit, prej rreth 8 muajsh nuk është bërë e mundur të arrihet asnjë informacion për vendndodhjen e Ozerit.

Informacioni më i fundit në dosjen e Prokurorisë së Përgjithshme të Stambollit, për vendndodhjen thuhet se Faruk Fatih Özer, është në Shqipëri.

Megjithatë, është thënë se që nga data 20 prill, data zyrtare e lëshimit, nuk është bërë asnjë përcaktim i mëtejshëm në lidhje me vendndodhjen e Özer.

Policia po shqyrton mundësinë që Özer t’i lërë peng mafias në Shqipëri miliona dollarët që grumbulloi nga “viktimat” e Thodex-it për ta fshehur.

Vlerësohet se mafia shqiptare ka ndikuar në mos kapjen e Ozerit prej muajsh. Është thënë se deri më tani nuk ka të dhëna se Özer është larguar nga Shqipëria. Megjithë përpjekjen e madhe të policisë shqiptare sipas mediave turke raportohet se nuk është mundur të lokalizohet për shkak se e ndërron shpesh herë vendndodhjen e tij. Ozer raportohet se mund të përdor një telefon të thjeshtë dhe jo inteligjent.

Thuhet se Özer ka qëndruar në shtëpi mafioze pasi policia ka bastisur hotelin e tij. Nga hetimet e vazhdueshme u konstatua se Özer i kishte marrë të gjitha dokumentet e kompanisë motrës së tij Serap Özer më 18 prill dhe kishte ikur në Shqipëri dy ditë më vonë.

Artikulli paraprakKastriot Rexhepi shmang gazetarët, nuk flet më për eurointegrimet (Video)
Artikulli tjetërZaev: Jam befasuar që Pendarovski ndryshoi qëndrim për Ballkanin e Hapur