Ballina Bota VIDEO/Dramë në Turqi, “shkrin” Lira, Bursa e Stambollit bllokon dy herë veprimet....

VIDEO/Dramë në Turqi, “shkrin” Lira, Bursa e Stambollit bllokon dy herë veprimet. Qytetarët në radhë për bukë të lirë

Situata me ekonominë në Turqi po përkeqësohet çdo ditë e më shumë, ku zhvlerësimi i lirë është i paprecedentë.

Një tjetër episod i rendësishëm i serialit që po prek jetën e qyetarëve turq u luajt këtë të premte, teksa Banka Qendrore e vendit ndërhyri në tregun valutor për të mbështetur monedhën kombëtare, pasi ajo ra në nivelet më të ulëta historike kundrejt valutave të huaja.

Lira turke ka humbur 55% të vlerës kundrejt dollarit këtë vit, 51% kundrejt euros dhe 54% kundrejt paundit britanik, dhe kjo ishte hera e pestë në më pak se një muaj që Banka Qendrore e Turqisë ndërhyn në këtë mënyrë. Ndërhyrjet e tjera ndodhën në datat 1, 3, 10 dhe 13 dhjetor, por situata duket mjaft problematike.

Në të njëjtën kohë, kursi i këmbimit pasdite ra në rreth 18.5 Lira për dollar duke bërë që Bursa e Stambollit të ndërpresë dy herë shkëmbimet gjatë ditës së sotme.

Ndërkohë që ndodh kjo, çmimet kanë shkuar në nivele të papërballueshme për qytetarët, një pjesë e të cilëve kanë filluar të mbajnë radhë në sportelet e hapura nga bashkitë për të blerë bukë me çmim më të lirë krahasuar me tregun. /abcnews.al

Artikulli paraprak“Një valë e madhe po vjen”, varianti i ri Omicron trondit Britanisë, 93 mijë të infektuar
Artikulli tjetërE ngatërroi me një derr të egër, gjuetari vret 46-vjeçarin, detajet nga policia për ngjarjen tragjike në Matkë të Shkupit