Ballina Bota Deputeti ukrainas: Kievi mund të jetë Stalingradi i ri i Rusisë

Deputeti ukrainas: Kievi mund të jetë Stalingradi i ri i Rusisë

Beteja për kryeqytetin e Ukrainës Kiev mund të jetë Stalingradi i ri i Rusisë. Deklarata ka ardhur nga deputeti ukrainas, Sviatoslav Yurah për BBC, ndërsa po ndihmon me mbrojtjen vullnetare në Kiev.

Ai tha se kryeqyteti është përballur me një breshëri raketash gjatë natës dhe ka beteja të vazhdueshme në periferi të qytetit. Por ai paralajmëron se Rusia duhet të përgatitet për humbje të mëdha nëse ajo përparon në qytet.

“Është një qytet masiv me miliona njerëz dhe nëse rusët përpiqen të hyjnë, ata do të kenë një luftë të madhe në duart e tyre, ky do të jetë Stalingradi i tyre nëse duan ta bëjnë atë”, thotë ai, duke iu referuar betejës më të përgjakshme të Luftës Botërore, në të cilat humbën jetën rreth 1.1 milion trupa sovjetike dhe 800,000 trupa naziste gjermane dhe rumune.

Beteja e viteve 1942-43 ishte një pikë kthese, duke ndaluar përparimin nazist në Rusi. “Askush nuk do të dorëzohet, unë mund t’ju garantoj këtë,” thotë ai.

Yurah thotë se ka qenë duke koordinuar sjelljen e furnizimeve, duke përfshirë thasë me rërë, si dhe ka biseduar me njësi të ndryshme të ushtrisë për të kryer efektivisht betejën e ardhshme.
Kievi mbetet pika kryesore e trupave ruse, të cilat sipas inteligjencës britanike tashmë ndodhen rreth 25 km larg, të gatshme për të kryer një sulm në kryeqytetin ukrainas.

Artikulli paraprakLufta në Ukrainë, si po rekrutohen mercenarët nga Rusia?
Artikulli tjetërA mund të gjykohet Vladimir Putini për krime lufte në Ukrainë?