Ballina Bota Fillon tërheqja e rusëve, dalin pamjet e para (VIDEO)

Fillon tërheqja e rusëve, dalin pamjet e para (VIDEO)

Ushtria ruse është duke u tërhequr nga Kievi dhe rrethinat e tij. Këtë e njoftuan më herët zyrtarët e Ministrisë së Mbrojtjes së Rusisë, ndërsa sëfundmi po qarkullojnë edhe video të lëvizjeve në terren.

Mediat ukrainase kanë filluar të publikojnë pamje të lëvizjes së tankeve ruse në veri të vendit, në drejtim të Bjellorurisë për të hipur në trena, përmes të cilëve do të pozicionohen diku tjetër.

Gjithçka ndodh pas negociatave mes delegacioneve ruse dhe ukrainase në Turqi, ku të dyja palët u shprehen se përfundimi ishte pozitiv.

Pesë kushtet e Ukrainës

1-Ndërhyrjen e vendeve garantë nëse Rusia sulmon pas tre ditësh nga negociatat. Në rast sulmi vendet garantë të sigurojnë armë për Kievin dhe të vendosin një zonë ndalim-fluturimi.

2- Në shkëmbim Ukraina shpall statusin e neutralitetit , me regjim jo-bërthamor, pa bazë të huaja ushtarake në vend. Ukraina mund të kandidojë për tu anëtarësuar në BE, të mos ndikohet nga statusi i neutralitetit.

3- Ukraina dhe Rusia do të diskutojnë statusin e Krimesë për 15 vitet e ardhshme.

4-Putin dhe Zelensky do të diskutojnë personalisht ballë për ballë në lidhje me mosmarrëveshjen e Donbasit. Rusia thotë se garancitë e sigurisë nuk do të mbulojnë Krimenë dhe Donbasin.

5- Si do të ratifikohet? Ukraina një referendum për marrëveshjen e statusit të neutralitetit. Nëse njerëzit e miratojnë, atëherë garantët do ta miratojnë nëpërmjet parlamenteve të tyre.

Artikulli paraprakDanimarka heq të gjitha kufizimet për COVID-19
Artikulli tjetërTurqia: Takimi Rusi-Ukrainë, më i suksesshmi deri më sot