Ballina Bota Rrëzohet nga pushteti kryeministri i Pakistanit, mik dhe mbështetës i Putin-it

Rrëzohet nga pushteti kryeministri i Pakistanit, mik dhe mbështetës i Putin-it

Kryeministri i Pakistanit, Imran Khan, është shkarkuar sot nga posti nga një votë mosbesimi, ku 174 nga 324 deputetë të Parlamentit të Pakistanit kanë votuar pro rrëzimit të tij.

Vetëm pak ditë më parë, Khan kishte arritur me sukses që ta bllokonte një votë mosbesimi ndaj tij. Bllokimi i mëhershëm i një procesi të tillë u shpall jokushtetues nga Gjykata Supreme, raporton Al Jazeera.

69-vjeçari Khan mori pushtetin në vitin 2018 me ndihmën e ushtrisë, por së fundmi ai humbi shumicën, pasi që aleatët e tij politikë dolën nga koalicioni qeveritar.

Kritikat ndaj tij ishin për dështim në ringjalljen e ekonomisë, të rrënuar nga pandemia COVID-19, si dhe në luftimin e korrupsionit.

Khan njihet edhe për afërsinë e tij me presidentin rus Vladimir Putin. Së fundmi ai është lavdëruar publikisht nga Moska për mosnënshtrim ndaj SHBA-së e për më tepër, ai kishte zhvilluar një vizitë zyrtare në Rusi në fillimet e pushtimit të Ukrainës.

Khan, gjatë kësaj vizite, ishte pritur nga Putin. /GazetExpress

Artikulli paraprakSerbia do të heqë ndalimin e eksportit të vajit të gatimit javën e ardhshme
Artikulli tjetërKur do të përfundojë lufta dhe çfarë do të ndodh me Rusinë, parashikimi i astrologes: Më 12 prill një fenomen mjaft i rrallë që ndodh një herë në 166 vjet