Ballina Bota Aksidente të shumëfishta në Seattle: Automjetet përplasen si lodra në një rrugë...

Aksidente të shumëfishta në Seattle: Automjetet përplasen si lodra në një rrugë të ngrirë (VIDEO)

Kushtet e vozitjes në shumë pjesë të Amerikës, përfshirë Seattle, janë jashtëzakonisht të rrezikshme për shkak të stuhisë së fortë të borës dhe temperaturave të ftohta të paprecedentë që kanë goditur Amerikën.

Një video është postuar në Twitter ku shihet një makinë duke rrëshqitur në një rrugë dhe duke u përplasur me disa automjete.

Ai rajon u godit nga shiu i fortë i acartë të premten, duke i bërë rrugët jashtëzakonisht të rrëshqitshme dhe të rrezikshme për të vozitur.

Pamjet e publikuara nga Seattle tregojnë një makinë që provon çdo mënyrë të mundshme për të lundruar në rrugë, por ajo rrëshqet dhe përplaset me disa makina.

Në video shihen edhe vetura të tjera duke rrëshqitur, shkruan nypost.com. Kujtojmë se një stuhi e fortë dimri dhe temperatura jashtëzakonisht të ulëta shkaktuan kolaps në të gjithë Shtetet e Bashkuara dhe Kanada.

Të paktën 28 ​​persona kanë vdekur në SHBA, ndërsa vendi po përballet me një stuhi brutale dimërore.

Gati 300,000 shtëpi dhe biznese mbetën pa energji elektrike pasi temperaturat ranë shumë nën zero. Guvernatori i Nju Jorkut, Kathy Hochul tha se stuhia ishte “një nga më të këqijat në histori”, duke shtuar se shumë kamionë zjarrfikës dhe automjete të urgjencës ishin bllokuar në dëborë.

Aeroporti Ndërkombëtar Buffalo Niagara është i mbyllur deri të hënën në mëngjes. Edhe pse shumica e vdekjeve janë shkaktuar nga aksidentet e trafikut, ka pasur edhe vdekje për shkak të ekspozimit ndaj temperaturave të ulëta./TetovaNews

Video bonus:

Artikulli paraprakBrrrr! Banorët e Berlinit festojnë Krishtlindjet duke u zhytur në liqenin e akullt
Artikulli tjetërQeni ndez tharësen e flokëve dhe i vë flakën shtëpisë