Ballina Bota Gripi sezonal bën “kërdinë” në Itali, 3.5 mln qytetarë të infektuar, mes...

Gripi sezonal bën “kërdinë” në Itali, 3.5 mln qytetarë të infektuar, mes tyre dhe kryeministrja e vendit

Gripi sezonal po bën kërdinë në Itali. Sipas Institutit Suprem të Shëndetësisë në Itali, deri më tani në vend janë regjistruar 3.5 milionë raste qytetarësh me grip.

Gjatë javës së fundit, rreth 943 mijë qytetarë kanë shfaqur simptoma të gripit sezonal. Mes të prekurve nga gripi është edhe kryeministrja italiane, Giorgia Meloni.

Siç raportojnë mediet vendase, ky është gripi sezonal më ngjitës që Italia ka njohur në 13 vitet e fundit. Rastet në shtatë ditët e fundit ishin gjashtëmbëdhjetë, për një mijë banorë.

Mjekët italianë u bënë apel prindërve që të vaksinojnë fëmijët kundër gripit sezonal.

Mjekët anëtarë të Shoqatës Italiane të Pediatrisë theksuan gjithashtu se “në vendet me grumbullime, qytetarët duhet të përdorin maska, pasi janë një masë efikase parandaluese ndaj viruseve të tjera, si gripi”./Abcnews.al/

Artikulli paraprakShpërthimet në Kosovë, si paraqitet situata në veri të vendit
Artikulli tjetërUshqimet “mike dhe armike” të mëlçisë, çfarë duhet të hiqni nga dieta juaj ditore