Ballina Sport Mos e beso po deshe! Komentatori hiqet nga puna pasi përmendi emrin...

Mos e beso po deshe! Komentatori hiqet nga puna pasi përmendi emrin e shqiptarit Hakan Şükür

Një ngjarje e (pa)zakontë ka ndodhur ditën e sotme në Turqi, pasi një komentator ka guxuar të përmendë emrin e lojtarit turk me origjinë shqiptare, Hakan Sukur.

Gjatë ndeshjes Canada-Marok, pas golit të parë të shënuar në minutën e pestë, komentatori Alper Bakırcıgil, i cili ishte duke komentuar ndeshjen për TRT, pas shënimit të golit nga ana e skuadrës marokene, tha se ky nuk është goli më i shpejtë në historinë e futbollit, pasi atë e ka shënuar Hakan Sukur në vitin 2002 përballë Koresë së Jugut, pas vetëm 11 sekondash lojë.

Kaq ka mjaftuar që komentatori të hiqet menjëherë nga puna pas përfundimit të ndeshjes.

Hakan Sukur është shpallur armik nga qeveria e Erdogan, pasi atë e akuzojnë si mbështetës të Fethullah Gulen. Kujtojmë që babai i tij sot ndodhet në burg, ndërsa e gjithë pasuaria e tij është konfiskuar nga shteti.

Aktualisht Hakan Sukur jeton në SHBA ku punon si taksist. Lidhur me shkarkimin e komentatorit ka reaguar edhe vetë Sukur me një psotim në twitter ku shkruan TRT mos ki frikë”.

Artikulli paraprakPse duhet të zgjoheni herët në mëngjes
Artikulli tjetërEkspertët britanikë paralajmërojnë për dimër të vështirë: Varianti i ri i Covid po shton shifrat e të infektuarve