Ballina Bota SHBA fut në listën e zezë 36 kompani kineze të mikroçipëve

SHBA fut në listën e zezë 36 kompani kineze të mikroçipëve

Shtetet e Bashkuara të Amerikës kanë futur në listën e zezë 36 kompani kineze të mikro-çipeve. Kjo është bërë e ditur nga Departamenti Amerikan i Tregtisë.

“Qëllimi është të kufizojë përpjekjet e Kinës për të marrë dhe shfrytëzuar teknologjitë e avancuara, duke përfshirë inteligjencën artificiale, për përpjekjet e saj për modernizimin ushtarak dhe abuzimet e të drejtave të njeriut”, tha Departamenti Amerikan i Tregtisë në një deklaratë.

Masa vjen dy muaj pasi SHBA zbuloi kontrolle të ashpra të eksportit që e bënë më të vështirë për Kinën blerjen dhe prodhimin e gjysmëpërçuesve të fundit.

Ligjvënësit amerikanë prej muajsh kanë bërë presion ndaj administratës Biden për ta vendosur kompaninë Yangtze Memory Technologies në listë. Ata kishin paralajmëruar gjithashtu Apple se do të përballej me një kontroll të ashpër, nëse do të vazhdonte me një plan për të blerë çipa YMTC.

Artikulli paraprakRusia kërcënon Amerikën: Do përballet me pasoja të rënda nëse dërgojnë raketa në Ukrainë
Artikulli tjetërSenati i SHBA miratoi projektligjin për ndalimin e Tik Tok-ut nga zyrtarët, pritet miratimi i Dhomës së Përfaqësuesve