Ballina Bota Me biçikletë nga Hamburgu në Mekë: Një sirian ndërron jetë në hyrje...

Me biçikletë nga Hamburgu në Mekë: Një sirian ndërron jetë në hyrje të qytetit të shenjtë (VIDEO+FOTO)

Me biçikletë nga Hamburgu në Mekë: Një mërgimtar sirian ndërron jetë në hyrje të qytetit të shenjtë

Duke ecur me biçikletë për mijëra kilometra, siriani nisi udhëtimin e tij për në Mekë më 22 tetorin e kaluar nga Hamburgu, Gjermani, i mbushur me një ëndërr për të kryer umren.

Pas 73 ditësh në rrugë, 53-vjeçari sirian Ghazi Chehada ndërroi jetë më 17 shkurt në periferi të Mekës.

Shehadeh u varros në Mekë pas namazit të xhenazes në Xhaminë e Madhe.

Të afërmit e Shehades thanë se ai vdiq natën e Israsë dhe Mi’raxhit

Me origjinë nga Homs, siriani emigroi në Hamburg të Gjermanisë, por ai donte të shkonte në Xhaminë e Madhe në Mekë me biçikletë.

Chehada dokumentoi ditët e tij të fundit dhe i publikoi në profilet e tij personale në rrjetet sociale.

Gjatë udhëtimit të tij, Shehadeh kaloi nëpër disa vende, duke përfshirë Austrinë dhe më pas Italinë, për të arritur në Kajro më 4 shkurt, pastaj vazhdoi të ecte drejt Detit të Kuq, derisa arriti në bregun e Safagës, nga i cili u nis për në Mekë, Al Jazeera Mubasher, transmeton tetova.com.

“Elhamdulilah, ju e keni arritur qëllimin tuaj dhe keni vendosur këmbët tuaja në tokën e shenjtë. Veshe rrobat e bardha të ihramit dhe u nise për në Xhaminë e Madhe në Mekë”, ka shkruar një moderator i faqes së tij në Facebook.

“Allahu zgjodhi të të çojë tek Ai në këtë moment, për këtë zgjedhje, në dashtë Zoti, do të jesh në Xhenet.”/tetova.com

@tn.lajmelokale
@tetovanews