Ballina Bota Reshjet e mëdha të borës pengojnë udhëtimet në Gjermani, Zvicër dhe Austri...

Reshjet e mëdha të borës pengojnë udhëtimet në Gjermani, Zvicër dhe Austri – qindra fluturime janë shtyrë ose anuluar (VIDEO)

Reshjet e dendura të borës kanë ndikuar në ndërprerjen e udhëtimeve në Gjermaninë jugore dhe në disa pjesë të Zvicrës dhe Austrisë, ku qindra fluturime janë shtyrë ose anuluar deri më tani.

Mynihu, aeroporti i dytë më i ngarkuar i Gjermanisë, mori goditjen më të madhe. Aeroporti u detyrua të mbyllej të premten mbrëma dhe nuk pritet të rihapet deri të dielën. Rreth 760 fluturime ishin planifikuar për të shtunën.

Kjo mbyllje pati efekte negative për aeroportin e Frankfurtit, qendra kryesore e Deutsche Lufthansa AG, që po përballet me “rritje të trafikut të aeroplanëve dhe pasagjerëve”, sipas një deklarate.

Në Zvicër, në aeroportin e Cyrihut janë anuluar 22 fluturime dhe 21 aterrime për shkak të reshjeve të vazhdueshme të borës. Për më tepër, procedurat e shkrirjes së akullit shkakuan vonesa për 40 minuta për disa fluturime.

@tn.lajmelokale
@tetovanews