Granada ka zhvilluar një sezon zhgënjyes në La Liga, ku tashmë ka “siguruar biletën” për një kategori më poshtë sezonin e ardhshëm.
Por ndryshe nga skuadra, Myrto Uzuni ka bërë një sezon të mirë ku ka shkundur rrjetën plot 11 herë deri tani.
Paraqitja e Uzunit ka tërhequr vëmendjen e shumë klubeve të La Liga, por më e interesuara deri në këto momente duket se është Las Palmas.
Aktualisht vlera e Uzunit në La Liga ka shkuar në 10 milionë euro, nga katër milionë që shpenzoi Granada për ta marrë nga kampionët hungarezë të Ferencvarosit.
Megjithatë mbetet për tu parë edhe kampionati Europian, për të pritur edhe oferta të tjera, që Granada të lëshojë sulmuesin e saj më të mirë në dy sezonet e fundit.
