Një sistem i lashtë romak i kanalizimeve zbulohet në Turqi

Një sistem kanalizimi 1.800 vjeçar u zbulua gjatë gërmimeve arkeologjike në Amida Tumulus, i përshkruar si “zemra e qytetit të vjetër”, në rrethin historik Sur në Turqinë juglindore, raporton Anadolu Agency.

Gërmimet në Amida Tumulus, që priti shumë civilizime, përfshirë Urartianët, Persët, Romakët, Umajadët, Abasidët, Selxhukët, Artukidët dhe Osmanët, përfunduan këtë vit.

Gjatë gërmimeve, një ekip prej 22 ekspertësh, i udhëhequr nga profesor Irfan Yildiz i Universitetit të Dicle, nën Ministrinë turke të Kulturës dhe Turizmit, zbuluan sistemin e kanalizimeve që daton nga kohërat romake.

Duke folur për AA, Yildiz tha se rezultatet e suksesshme nga gërmimet dëshmojnë vlerën historike të qytetit në provincën Diyarbakır.

Ai theksoi se në fazat e mëparshme të gërmimeve të këtij viti, po ashtu u zbuluan tubacione uji 1.800 vjeçare dhe dhoma varrimi 1.700 vjeçare.

“Sidoqoftë, niveli i teknologjisë që dëshmuam në sistemin e kanalizimeve romake është madhështor”, shtoi ai.

“Edhe pas një viti maska dhe distancomi social duhen mbajtur”

Arritja e imunitetit të tufës – pika në të cilën një pjesë e madhe e popullsisë është imune – do të varet pjesërisht nga sa efektive është vaksina dhe si ajo shpërndahet, shpjegoi Dr Vazquez-Boland për Euroneës.

“Pragu i nevojshëm për të ndaluar në mënyrë efektive përhapjen ndryshon nga një sëmundje infektive në tjetrën”, shtoi ai. Kjo varet pjesërisht nga sa infektive është sëmundja dhe sa efektive është mbrojtja imune.

“Ne kemi shumë vaksina që kanë shpëtuar jetë, fruthi është një shembull i kësaj, një vaksinë shumë efikase mbi efikasitetin 95%. Por megjithatë kemi akoma shpërthime të fruthit”, Dr Kate O’Brien, drejtori i Organizatës Botërore të Imunizimit , tha në një konferencë shtypi të hënën.

“Arritja e efikasitetit të vaksinës është si ndërtimi i një kampi bazë në Everest, por ngjitja në majë është shpërndarja e vaksinave”, shtoi Dr O’Brien.

Dr Bloom, i cili është gjithashtu një profesor kërkimesh në Harvard, thotë: “Do të ketë akoma shumë njerëz që nuk janë vaksinuar në gjashtë muajt e parë dhe ata do kanë aftësinë për të transmetuar infeksionin.”

Kjo do të thotë që njerëzit, madje edhe ata që janë të vaksinuar, do të duhet të vazhdojnë të mbajnë maska dhe të praktikojnë disa forma distancimi për të parandaluar nivele të larta të virusit në komunitet, shtoi ai.

Ana pozitive e të jetuarit në një botë të mbushur me media sociale

Në këtë pikë, po bëhet gjithnjë e më e qartë se rritja e komunikimit virtual dhe medias sociale nuk është e gjitha lule dhe bukur kur bëhet fjalë për përmirësimin e gjendjes shpirtërore të njerëzve. Bullizmi në internet është në rritje, duke çuar në të gjitha llojet e rezultateve negative për adoleshentët dhe të tjerët në të gjithë botën. Forma të ndryshme të mashtrimeve që mbështeten në këtë lloj teknologjie janë zbrazja e llogarive bankare të të moshuarve, komunikimi anonim, kërcënime të ndryshme e shumë të tjera.

Rritja e internetit dhe teknologjive të bazuara në media sociale është problematike në shumë mënyra kur bëhet fjalë për përvojën njerëzore dhe na mbetet të gjithëve që ta marrim seriozisht këtë çështje në të gjitha drejtimet.
Por ndërsa shumë njerëz kanë shkruar shumë për këtë temë, është e rëndësishme gjithashtu të pranojmë faktin se në të vërtetë ka disa anë pozitive që media sociale dhe teknologjitë e smartphone-ve po i shtojnë botës sonë. Glenn Geher, pedagog psikologjie në Universitetin e Nju Jorkut tregon se nga perspektiva e Psikologjisë Pozitive Evolucionare, teknologjitë e mediave sociale janë ndoshta prototipi i teknologjive që rrëmbejnë psikologjinë tonë të evoluar, shpesh duke bërë kërdinë në botën tonë.

Siç është e vërtetë për kaq shumë fenomene në botën tonë, efektet e mediave sociale dhe internetit janë të përziera kur bëhet fjalë për përvojën njerëzore. Pra, nga këndvështrimi i dikujt që ka qenë mjaft i zëshëm në lidhje me efektet e pafavorshme të mediave sociale në botën moderne, këtu janë tre pika që flasin për anën e ndritshme sipas Glenn:

Vlerësimi social në shkallë të gjerë, të menjëhershme

Në fund të ditës, të gjithë duam vërtetimin shoqëror. Ne duam që të tjerët të shprehin vlerësim, mirëkuptim dhe respekt për ne. Nevoja për vërtetim shoqëror është një proces thelbësor psikologjik që ka rrënjë në të kaluarën tonë evolucionare. Paraardhësit tanë që nuk arritën të merrnin vërtetim nga të tjerët ishin në rrezik në lidhje me lidhjet e rëndësishme shoqërore që do të kishin qenë kritike për mbijetesë dhe, në fund të fundit, riprodhimin.

Me mediat sociale, njerëzit mund të marrin vërtetimin shoqëror menjëherë, publikisht dhe thelbësisht. Me mediat sociale, njerëzit mund të marrin vërtetimin shoqëror në mënyra që janë, në thelb, evolucionarisht të pashembullta. Një selfie në Instagram mund të mbledhë dhjetëra pëlqime dhe komente pozitive të tilla si “uau, dukesh shumë mirë!”; “shumë e bukur!”; “i mrekullueshëm!”; dhe më shumë. E njëjta gjë vlen për Twitter, Facebook dhe të tjerët. Vlerësimi shoqëror, një nevojë thelbësore për të gjithë ne, tani është diçka që është më e arritshme se kurrë.

Sigurisht, në shumë mënyra, ky lloj i vlerësimit shoqëror mund të jetë sipërfaqësor dhe inferior ndaj vlerësimit më të mirëfilltë, personal, nga të tjerët afër. Por akoma, pa diskutim, shumë njerëz sot marrin nivele të ndryshme të vlefshmërisë sociale përmes mediave sociale.

Njohja dhe vlerësimi i madh i të tjerëve

Njohja dhe vlerësimi i përpjekjeve, arritjeve dhe veprimeve të të tjerëve është një pjesë themelore e anës pozitive të përvojës njerëzore. Na pëlqen të shprehim vlerësim për të tjerët dhe na pëlqen kur të tjerët shprehin vlerësim për ne.

“Kohët e fundit, Universiteti i Nju Jork-ut nisi një bord kudo posaçërisht për të inkurajuar studentët tanë gjatë javëve të provimeve.” tregon Glenn.

Si një komunitet universitar, ato kanë menduar mënyra për të mbështetur studentët në kushte pandemie dhe kanë zgjedhur internetin për ti ndihmuar në këtë nismë.

Mbledhja e fondeve

Tani dëgjojmë mijëra histori suksesi të njerëzve që kanë mbledhur para për arsye të ndryshme.

Njerëzit po përdorin platforma të tilla si GoFundMe dhe change.org për të mbledhur fonde për të gjitha llojet e kauzave të denja. Prirja për njerëzit që të bashkohen së bashku dhe të lejojnë që fuqia e numrave të çojë në rezultate pozitive që kurrë nuk mund të arrihen nga asnjë individ i vetëm tregon përsëri për historinë tonë evolucionare.
Deri në këtë pikë, miliona njerëz kanë përfituar nga kjo lloj teknologjie në të gjitha llojet e mënyrave pozitive. Dhe kaq shumë nga këta njerëz po bëjnë një ndryshim si rezultat.

Pra, teknologjitë e bazuara në internet përfaqësojnë një bekim të përzier kur bëhet fjalë për përvojën njerëzore dhe kanë demonstruar një sërë rezultatesh. E thënë kjo, interneti në botën moderne nuk është totalisht i dëmshëm.
Në shumë mënyra, ai po na ndihmon, sidomos tani në pandemi ku vlen të përmendim se vetëm nëpërmjet “Zoom” njerëzit po komunikojnë kudo nëpër botë me njëri-tjetrin.

Përfitimet shtesë përfshijnë faktin se ne jemi të aftë të arrijmë vërtetimin shoqëror në mënyra më të menjëhershme se kurrë. Ne gjithashtu jemi të aftë t’u tregojmë të tjerëve mbështetje dhe inkurajim publikisht, me zë të lartë dhe me gjallëri dhe ne jemi të aftë të përdorim këto teknologji për, në mënyra të papara, të rritur ndërgjegjësimin për të gjitha llojet e çështjeve që përfitojnë nga vëmendja jonë kolektive. Ndërsa lëvizim në këtë botë të re të guximshme, të mbërthyer nga teknologjia e mediave sociale, duhet pak punë për të zhdukur disa anë negative dhe jemi në rregull.(SI)

Milaim Zeka: Veriu i Mitrovicës kontrollohet nga bandat serbe, shkëmbimi i territoreve mbyll “plagën” mes dy vendeve

Teksa foli kryesisht për zgjedhjet e pjesshme lokale në Kosovë, opinionisti Milaim Zeka u ndal edhe te marrëdhëniet dhe problemet me Serbinë.

Sa i përket rikonfirmimit të Listës Serbe në veri të Mitrovicës, Zeka u shpreh se ai territor kontrollohet nga bandat serbe dhe kjo nuk pranohet nga liderët në Kosovë.

“Prej urës së Ibrit, deri në kufi me Serbinë, duhet të ecësh me makinë 40 minuta, të cilat janë 100% nën kontrollin e Vuçiç.

Këtë realitet të dhimbshëm nuk kanë dashur ta pranojnë liderët gënjeshtarë të Kosovës. Askush nuk ka thënë se veriu kontrollohet nga bandat serbe.

Deshëm apo nuk deshëm ne të pranojmë realitetin e hidhur, 17% e territorit të Kosovës, kontrollohet nga bandat serbe.

Ne kemi një kushtetutë të dhimbshme, pasi në Kosovë nuk mund të ndodhë asnjë ndryshim i proceseve politike pa votën e deputetëve të Listës Serbe. Edhe këtë realitet të hidhur nuk e pranojnë politikanët e Kosovës”.

Zeka duke folur për A2 propozoi shkëmbimin e territoreve mes dy vendeve për të mbyllur plagën e vjetër të përplasjeve. Ai theksoi se shkëmbimi i territoreve është mbështetur edhe nga ish-presidenti i ndjerë, Ibrahim Rugova.

“Ideja e shkëmbimit të territoreve ka qenë një ide e vjetër, e cila është mbështetur edhe nga ish-presidenti Rugova, edhe nga akademiku Daci edhe nga Rexhep Qosja, edhe nga njerëz të tjerë, është mbështetur edhe nga unë. Leshaku, Leposavici, Zubin Potoku, të cilët janë me banorë 100% serbë, një territor tepër i vogël, një territor që i ka takuar Serbisë deri në vitin 1960.

Për ta defaktorizuar elementin e fuqishëm shqiptar, Tito krijoi kombin maqedonas, duke i shpërndarë shqiptarët. Dikë e futi në Preshevë, Medvegjë apo Bujanoc, Tito ia dha Serbisë. Malit të Zi i dha territore të Kosovës, shqiptarët i la nën perandorinë e Maqedonisë së sotme.

Tito i frikësohej vetëm elementit shqiptar në ish-Jugosllavi. Duke shpërndarë kombin shqiptar, kur ne ishim kombi i tretë në ish-Jugosllavi, shumë më të mëdhenj se malazezët, se sllovenët, se maqedonasit apo boshnjakët.

E vetmja zgjidhje përfundimtare me Serbinë, që të largojmë njëherë e përgjithmonë atë luftën tonë 120-vjeçare, të shkëmbejmë territoret. Leshaku, Leposavici, Zubin Potoku, t’i jepen Serbisë, ne të marrim Preshevën, Medvegjën dhe Bujanocin dhe ta mbyllim këtë plagë”, u shpreh Zeka.

60 grabitje në Spanjë, policia në kërkim të bandës së shqiptarëve “me të zeza dhe pa maska”

Policia spanjolle është në ndjekje të një bande shqiptarësh që mendohet se kanë grabitur rreth 60 banesa në Galici.

Gjatë grabitjes së fundit, dy prej anëtarëve të kësaj bande u arrestuan. Sipas mediave spanjolle, njëri prej tyre është një 32-vjeçar shqiptar.

Banda ka të njëjtën mënyrë operimi për çdo grabitje: qëndrojnë për disa javë në një zonë dhe veprojnë të veshur me të zeza, por me fytyrën zbuluar.

7 gra do të ndjekin Presidentin

Joe Biden ndryshe nga parardhësit e tij, ka emëruar vetëm gra në ekipin e tij të komunikimit.

Ekipi i komunikimit në Shtëpinë e Bardhë ka qenë kryesisht i dominuar nga burra, ashtu si edhe shumica e ekipeve tjera në administratë. Por, ekipi i komunikimit në administratën e Biden do përfshijë vetëm gra.

Ndërkohë që është bërë e ditur se sekretare për shtyp e Biden është emëruar zëdhënësja demokrate Jen Psaki.

Psaki do të jetë një nga shtatë gratë që do të plotësojë radhët e ekipit të komunikimit të Biden, duke e bërë atë të parën që mban këtë post me të gjithë ndihmësit e tjerë të ngarkuar të flasin për një administratë presidenciale, gra.

Ekipi për shtyp i Biden do të drejtohet nga Kate Bedingfield, e cila ka punuar si menaxhere e komunikimit të fushatës së presidentit të zgjedhur. Ajo do të mbajë po të njëjtin titull nën administratën e Biden.

Vendimi për të krijuar personelin e parë të lartë të komunikimit me të gjitha gra, mund të jetë një mënyrë tjetër që Biden ka vendosur t’i tregojë publikut përkushtimin e tij për diversitetin brenda administratës së tij.

D R A M Ë në Kërçovë, vjehrri tenton të DH U N O J Ë nusen e djalit

Vjehrri me inicialet F.I., 40 vjeçar nga Kërçova, ka tentuar që të dhu*nojë nusen e djalit të tij.

Kjo ngjarje abu*zive është regjistruar nga policia e Kërçovës dy ditë më pare, ndërsa siç thuhet në komunikatën zyrtare, dje rreth ores 06:15 në stacionin policor është denoncuar rasti.

Personi që ka tentuar të bëj këtë veprim ab*uzimi është ndaluar menjëherë nga ana e policisë. Pritet zbardhja e plotë e këtij rasti.

Bonus Video:

I N C I D E N T në Çellopek të Tetovës (VIDEO)

Gjatë ditës së djeshme (29.11.2020), diku rreth orës 18:00, në fshatin Çellopek të Tetovës uniformat blu kanë vënë pas hekurave personin me inicialet M.M. 24 vjeçar, pasi gjatë bast*isjes në shtëpinë e tij dhe disa hapësirave ndihmëse është gjetur dhe konf*iskuar një pu*shkë auto*matike, disa karik*atorë të zbrazët dhe një çantë me mar*juanë.

Paraprakisht, M.M. pas një mosmarrë*veshjeje me fqinjin e tij N.R. 47 vjeçar, nga push*ka auto*matike ka shkre*pur një plu*mb në ajër.

Në vendngjarje hetime kanë kryer ekipi i SPB-Tetovë, pas çka në vendngjarje është gjetur një gë*zhojë e kali*brit 7.62. M.M. është arre*stuar dhe ndaluar në Stacionin e poli*cisë në Tetovë. Pas dokumentimit të plotë të rastit, ndaj M.M. do të ngritët pa*di adekuate.

VIDEO:

VIDEO/Aksident i rëndë në Itali, humb jetën 22 vjeçari shqiptar

Një aksident tra*gjik ka ndodhur mesditën e 29 nëntorit ku për pasojë ka humbur jetën një 22 vjeçar shqiptar banues në Argenta, Itali.

Mediat italiane bëjnë me dije se i riu i cili ishte nuk shoqërohej nga persona të tjerë, humbi kontrollin e makinës dhe u përplas me një pemë. Përplasja ka qenë shumë e fortë dhe për pasojë 22 vjeçari ka humbur jetën në moment.

Karabinierët, dhe ambulanca kanë ndërhyrë menjëherë në vendngjarje por pa mundur të bënin gjë.

I riu me origjinë shqiptare punonte në një kompani në zonën e Ravennas.

‘Doctor Honoris Causa’ për Ali Ahmetin nga Universiteti i Tetovës

Në bazë të nenit 184 të Ligjit për arsimin e lartë të Republikës së Maqedonisë së Veriut dhe neneve 264 dhe 265 të Statutit të Universitetit të Tetovës, Këshilli mësimor-shkencor i Fakultetit Juridik në bazë të vendimit për pranimin e Nismës së Rektorit të Universitetit të Tetovës Prof. Dr. Vullnet Ameti për ndarjen e titullit Doctor Honoris Causa për z. Ali Ahmeti, e formoi

Komisionin recensues, në përbërje:

1. Prof. Dr. Vullnet Ameti – kryetar
2. Prof. Dr. Shezai Rrokaj – anëtar
3. Prof. Dr. Arsim Bajrami – anëtar

KQZ publikon rezultatet për Podujevë, VV fiton bastionin e LDK-së

Komisioni Qendror Zgjedhor ka publikuar rezultatet preliminare të zgjedhjeve të sotme për kryetar të Podujevës dhe Mitrovicës Veriore.

Me 51.64% të votave, Shpejtim Bulliqi i Lëvizjes Vetëvendosje ka fituar në zgjedhjet e sotme komunale. Kandidati i LDK-së Nexhmi Rudari ka marrë 35.97 për qind, ndërsa Naim Fetahu i PDK-së ka marrë 12.40 për qind.

Në zgjedhjet për të parin e komunës së Mitrovicës së Veriut ka fituar Lista Serbe me 89.86 për qind, pasuar nga Vetëvendosje me 3.68 për qind dhe PDK me 3.54 për qind

LVV fiton Podujevën, Lista Serbe nuk e lëshon Mitrovicën e Veriut

Komisioni Qendror Zgjedhor (KQZ) ka njoftuar se në zgjedhjet e jashtëzakonshme për kryetar komune në Podujevë, sipas rezultateve preliminare, kandidati i Lëvizjes Vetëvendosje, Shpejtim Bulliqi ka fituar 51.64 për qind të votave, ndërsa Millan Radojeviq nga Lista Serbe ka fituar 89.86 për qind të votave në Mitrovicë të Veriut.

KQZ-ja ka bërë të ditur se në këto rezultate nuk përfshihen votat me kusht dhe ato nga diaspora.

Dy kandidatët tjerë për pozitën e kryetarit në Podujevë, Nexhmi Rudari nga Lidhja Demokratike e Kosovës, ka fituar 35.97 për qind të votave, ndërsa Naim Fetahu nga Partia Demokratike e Kosovës ka fituar 12.40 për qind të votave.

Në Podujevë, të drejtën e votës e kanë shfrytëzuar 40.51 për qind e votuesve, apo 35,400 persona.

Në Mitrovicë të Veriut, ndërkaq, Erden Atiq nga Lëvizja Vetëvendosje ka fituar 3.68 për qind të votave, Dushan Millunoviq, kandidat i pavarur, ka fituar 2.92 për qind dhe Florent Azemi nga Partia Demokratike e Kosovës ka fituar 3.54 për qind të votave.

Në Mitrovicë të Veriut është thënë se kanë votuar 39.14 për qind e votuesve apo 9,124 persona.

Mandati i kryetarëve të rinj do të jetë deri në zgjedhjet e ardhshme lokale që pritet të mbahen në tetor të vitit 2021.

Podujeva mbeti pa kryetar pasi Agim Veliu u emërua Ministër i Punëve të Brendshme në qeverinë e udhëhequr nga ish-kryeministri Albin Kurti.

Kurse Mitrovica e Veriut mbeti pa kryetar më datën 3 qershor, kur u votua Qeveria e re e Kosovës, e udhëhequr nga Avdullah Hoti.

Duke komentuar rezultatin preliminar, ish-kryetari i Podujevës, Agim Veliu ka thënë se në proceset tjera zgjedhore, Lidhja Demokratike e Kosovës do t’i kthehet fitores.

“Ne kemi edhe potencial, edhe anëtarësi dhe jemi të përkushtuar që të punojmë për LDK-në, të vazhdojmë të punojmë, pa rreshtur”, ka deklaruar ai.

Ndërkohë para selisë së Lëvizjes Vetëvendosje në Podujevë ka nisur festa, meqë simpatizantët e kësaj partie janë dëgjuar duke kënduar dhe duke përmendur emrin e liderit të kësaj partie, Albin Kurti./REL/

E frikshme ajo që ndodhi në Formula 1, shikoni si piloti shpëton mrekullisht teksa del nga flakët (VIDEO)

Një aksident i frikshëm ka ndodhur në nisjen e Çmimit të Madh të Bahreinit në Formula 1.

Në kthesën e tretë të xhiros së parë, piloti i Haas, Romain Grosjean, humb kontrollin e makinës pas një prekjeje me një makinë tjetër dhe përplaset me muret mbrojtëse.

Në momentin e përplasjes, njëvendëshja merr flakë dhe ndahet në dysh, me garën që ndërpritet menjëherë.

F1 njoftoi se piloti francez ka shpëtuar duke dalë shumë shpejt nga makina në flakë, ndërsa regjia dha pamjet e tregojnë pilotin në makinën e sigurisë, duke folur me komisarët e pistës.

Skuadra Haas bëri me dije se piloti fatmirësisht ka pësuar vetëm djegie të lehta në duar dhe kavilje.

The moment #RomainGrosjean got out of the car. #F1 #BahrainGP pic.twitter.com/gRG47tlT0g

— Tom Sykes (@UKCameraOp) November 29, 2020

F*cking hellllllll. 🤯

This just happened in the F1 Bahrain GP…

Thankfully it seems the driver Romain Grosjean is okay. 🙏 https://t.co/poUHdluQWE

— Footy Accumulators (@FootyAccums) November 29, 2020

Rezart Veleshnja ‘nxjerr blof’ Luanën gjatë emisionit: Është një pijanece e paparë (VIDEO)

Prezantuesja e njohur Luana Vjollca i argëtoi publikun edhe një puntatë tjetër me emisionin e saj shumë të ndjekur, “Shiko kush luan”.

Duke qenë se emisioni u transmetua më 28 nëntor dhe përkoi me festën e flamurit, stafi bashkë me Luanën kishin menduar organizimin e një edicioni të veçantë.

Në lojën e shumëpritur nga publiku, “Thuaje ose pi raki”, nuk munguan edhe batutat e shumta nga protagonistët, të cilët u gjendën përballë tryezës, e cila ishte shtruar me ushqime tradicionale.

Në një prej momenteve, humoristi Rezart Valeshnja i cili është pjesë e programit, mori fjalën për të treguar diçka në lidhje me atë se çfarë nddoh prapa kamerave.

Ndonëse në dozat e humorit, ai u shpreh se Luana mund të duket engjëllore para kamerës, por prapa saj është një “pijanece rakie e paparë”.

Me të thënë këtë, Luana filloi ta godasë Rezartin duke qeshur dhe duke i kërkuar të mos flasë, teksa u duk për një moment sikur nxori një “sekret” jo shumë të këndshëm para publikut.

Sido që të jetë, situata u kalua me të qeshura nga protagonistët, të cilët përfshinin një mori fytyrash të njohura publike si: Manjola Nallbani, Ilir Shaqiri, Korab Shaqiri, Orgesa Zaimi, Andi Lila, Florent Hadërgjonaj, dhe Shaolin Gang.

E rëndë/ I riu kosovar me vajzën 6 muajshe, humbin jetën në një aksident në Gjermani (FOTO+VIDEO)

Një ngjarje e rëndë ka tronditur familjen Muçaj nga komuna e Deçanit.

Një i ri, Elvis Muçaj nga fshati Llukë e Epërme, ka ndërruar jetë si pasojë e një aksidenti në Gjermani.

Në këtë aksident ka ndërruar jetë edhe vajza e tij, 6 muajshe.

Lajmin e ka konfirmuar për IndeksOnline edhe kryetari i komunës së Deçanit, Bashkim Ramosaj.

Nderohet në Kopenhagë regjisori, gazetari dhe veprimtari tetovar, Ixhet Lufiu (FOTO+VIDEO)

“Sonte në kuadër të festës kushtuar Ditës së Flamurit, para shfaqjes të filmit tim dokumentar Rrënjët Shqiptare – Dheu Danez, kolegët e mi më bënë një suprizë që nuk mund ta harroj asnjëherë. Duke e vlersuar mundin tim për kontributin e dhënë në ruajtjen e identitetit kombëtar, më dhanë mirënjohje dhe dhurata tepër të cmueshme.

Faleminderit Ibrahim Xhemajli, Berat Batiu, Adnan Aliti dhe Prof. Bedri Bytyçi!
Ju jam cdoherë mirënjohës!”, shkruan regjisori dhe veprimtari i njohur shqiptar në Danimarkë, Ixhet Lutfiu.

Gazetari dhe regjisori Ixhet Lutfiu ka dhënë një kontribut të jashtëzakonshëm profesional, si autor i një numri të madh programesh e emisionesh televizive në Danimarkë. Krahas projekteve artistike, ka realizuar edhe dokumentarin “Rrënjët Shqiptare – Dheu Danez”, i cili trajton aspekte të jetës, veprimtarisë dhe arritjeve të Diasporës shqiptare në Danimarkë.

28 Nëntorët e Lavdishëm, manifestimi qendror i Festave të Nëntorit në Kopenhagë | 28 Nëntor 2020

Shqiptarët në Literaturën Daneze nga viti 1709 deri në vitin 2020.
Nga vizita e Bibliotekës – Muze të Ixhet Lutfiut
Ixhet lutfiu është me origjinë nga Veshalla e Tetovës. Shkollën fillore dhe gjimnazin i kreu në Tetovë. Në Univerzitetin e Kopenhagës (pa shkëputje nga puna) ka përfunduar studimet në drejtimet Shkencat e Filmit dhe të Medias si dhe Studimet për Minoritetet.

Njëkohësisht (poashtu pa shkëputje nga puna) ka qenë i angazhuar vullnetarisht që nga viti 1991 si gazetar e udhëheqës në RTV “Zëri i Kosovës” me seli në Kopenhagë, me ç’rast ka dhënë një kontribut të jashtëzakonshëm profesional si autor i qindra programeve e emisioneve në këtë medium.
Krahas filmave tjerë është autor edhe i filmit dokumentar “Rrënjët Shqiptare – Dheu Danez”, në verzionin shqip (6 orë) dhe në verzionin danez (2 orë).

Anglishtja e tij perfekte i ka mundësuar që të jetë njohës i historisë, kulturës e traditës të shumë popujve në botë.
Është dashamir i muzikës, sportit e artit në përgjithësi por pasioni i tij i veçantë është libri. Dhe duke pasur librin të përzemërtë Ixheti është një nga koleksionistët më të dalluar në Danimarkë (ndoshta i vetmi nga shqiptarët e këtueshëm) që ka grumbulluar thuajse të gjitha librat që danezët kanë shkruar për shqiptarët, duke përfshirë këtu edhe librin unik të Ludvig Holbergut kushtuar heroit tonë kombëtar Skenderbeut, botuar për herë të parë në vitin 1739.

Për këtë pasion dhe për një pjesë të aktivitetit të tij të çmuar kohë më parë shkroi edhe gazeta Epoka e re në Prishtinë, por ne sot teleshikuesve tonë do ju sjellim më shumë nga ky thesar të koleksionistit të pasionuar Ixhet Lutfiu.

Sekuenca nga Festa e 28 Nëntorit në Kopenhagë (VIDEO)

28 Nëntorët e Lavdishëm, manifestimi qendror i Festave të Nëntorit në Kopenhagë.

Dita e Flamurit u shënua edhe në kryeqendrën e Danimarkës, Kopenhagë.

Në vazhdim keni videon e plotë të këtij manifestimi:

Gostivari u nda sot nga pishtari i arsimit, humanisti, njeriu i nderuar dhe respektuar nga të gjithë, njeriu bujar e i urtë, arsimtari Xhafer Gashi!

Dashurinë për arsimin e dëshmoi me devotshmerinë në punë dhe me orientim e gjithë fëmijeve të tij, ne mesin e tyre edhe bashkëshorten time, Luljeta Aziri, drejt këtij profesioni fisnik.
U preht në paqe dhe u kujtoftë përjetë kontributi i tij në arsimimin e gjeneratave të reja! (Lulzim Haziri)

Ujëvara e Niagarës në Kanada vishet Kuq e Zi për nder të festës së Pavarësisë së Shqipërisë! Pamjet janë mahnitëse (VIDEO+FOTO)

Ambasadori i Shqipërisë në Kanada, Ermal Muça, ka publikuar në llogarinë e tij në “Facebook” ku tregon se Ujëvara e Niagarës, mbrëmjen e 28 Nëntorit ka marrë ngjyrat e flamurit kombëtar shqiptar.

Muça shkruan në postimin e tij se simboli i vendit mori ngjyrat kuqezi në nderim dhe respekt të 108-vjetorit të Pavarësisë së Shqipërisë se edhe Muajit të Trashëgimisë Shqiptare në Ontario.

“Ujëvara e Niagarës, simboli i Kanadasë ?? i njohur në mbarë botën, u ndriçua kuq e zi, me ngjyrat e Flamurit Kombëtar mbrëmjen e 28 nëntorit, në nderim dhe respekt të 108 vjetorit të Pavarësisë së Shqipërisë si edhe Muajit të Trashëgimisë Shqiptare në Ontario.

Mirënjohje e sinqertë për autoritetet përkatëse kanadeze për bashkëpunimin dhe gjestin fisnik!

Gëzuar Pavarësinë Shqipëri!”, shkruan ambasadori i Shqipërisë në Kanada, krahas fotove.

FOTO:

Kështu festoi Bebe Rexha në rrugët e Amerikës për festën e 28 Nëntorit (VIDEO)

Këngëtarja shqiptare me famë botërore ka organizuar festën e flamurit në rrugët e Amerikës.

Ajo ka dalë me familjarët dhe miqtë e saj rrugëve të Amerikës për të festuar 28 Nëntorin.

Bebe Rexha ka nda me fansat e saj video nga kjo vestë në rrjetin social instagram ku shihen shqiptar duke festuar në rrugët e Amerikës me flamuj kombëtar.

Këngëtarja me flokët e kuqe dhe veshjen e saj të zezë ka marrë vëmendjen e fansave të saj.