Pas zhvillimeve të tensionuara të martën në mbrëmje në Bashkësinë Fetare Islame (BFI) të Maqedonisë së Veriut, një ditë pas, gjendja në këtë institucion duket e qetë. Sipas autoriteteve në këtë institucion fetar, aty po vazhdojnë të zhvillohen aktivitet e zakonshme.

“Ardhja ime është krejtësisht e zakonshme dhe si gjithmonë vazhdojmë me punë. Së shpejti do të vazhdojmë të kryejmë detyrat tona të përditshme”, ka theksuar para gazetarëve me të hyrë në Bashkësinë Fetare Islame, kreu i BFI-së, Sulejman Rexhepi.

Ndërkohë, i menjëhershëm ka qenë dhe reagimi i autoriteteve të Qeverisë.

“Maqedonia e Veriut është shtet sekular dhe Qeveria nuk përzihet në punën e bashkësive fetare etnike në vend”, ka theksuar zëdhënësi i Qeverisë, Mile Boshnjakoski.

Ai është distancuar nga çfarëdo lloj ndikimi të Qeverisë në zhvillimet e fundit në Bashkësinë Fetare Islame të Maqedonisë së Veriut pas akuzave që adresoi mbrëmë ndaj strukturave udhëheqëse të shtetit, kreu i BFI-së, Sulejman Rexhepi.

Edhe zëvendëskryeministri i Maqedonisë së Veriut, Bujar Osmani i cili vjen nga radhët e Bashkimit Demokratik për Integrim ka theksuar se “shteti duhet t’i ndërmarrë të gjitha masat që ta garantojë pavarësi si dhe të sigurojë autonomi të bashkësive etnike fetare duke përfshirë këtu dhe Bashkësinë Fetare Islame të Maqedonisë së Veriut”.

Këto reagime vijnë pasi kryetari i Bashkësisë Fetare Islame kishte akuzuar drejtorin e Komisionit për Marrëdhënie me Bashkësitë Fetare dhe Qeverinë se janë të përfshira në ngjarjet e fundit në Bashkësinë Fetare Islame.

Eskalimi i situatës në Bashkësinë Fetare Islame të Maqedonisë së Veriut erdhi si rrjedhojë e një vendimi të Gjykatës së Shkupit në bazë të cilit ishte emëruar Skender Buzaku në postin e kryetarit të ri të BFI-së. I njëjti, ka disa vjet që tenton të marrë drejtimin e këtij institucioni.

Ndërkaq gjatë ditës, Skender Buzaku, apo personi i cili, sipas vendimit të Gjykatës duhet të ulet në karrigen e Reisit, në vend të Sulejman Rexhepit, ka kërkuar që në institucionin më të lartë të Bashkësisë Islame të futet policia financiare për shkak, siç ka thënë ai, të kriminalitetit me mjetet e besimtarëve në këtë institucion.

“Kërkuam nga Policia Financiare të bëjë inspektimin e punës së BFI-së në sektorin financiar. Pra kërkojmë të verifikohet si është punuar dhe si janë harxhuar paratë e mbledhura nga besimtarët. Nuk ka puç në BFI, siç ka thënë Rexhepi, sepse të gjitha aktet e brendshme janë respektuar. BFI-në e pret një erë e re dhe do të shkojë përpara shumë më tepër. Nuk kam thirrur policinë në rrugë”, tha Buzaku.

Por, Rijaseti, si organi më i lartë i Bashkësisë Fetare Islame në Maqedoninë e Veriut, pas një seance të jashtëzakonshme ka konstatuar se kryetar i BFI-së mbetet Sulejman Rexhepi, ndërsa vendimin e gjykatës e ka quajtur “të manipuluar dhe falsifikuar”, pasi sipas Rijasetit, emërimet dhe shkarkimet në kreun e BFI-së i bëjnë organet e institucionit dhe jo gjykatat.

Nga BFI dhe Rijaseti, kanë theksuar për mediat se vula që ka përdor Buzaku është e vjedhur gjatë puçit ndaj këtij institucioni në maj të vitit 2015 dhe njëjta është denoncuar si e pa vlefshme. Njëherësh është thënë se nënshkrimi i Sulejman Rexhepit si kryetar i BFI-së është falsifikuar se gjoja ai jep dorëheqje ndërkohë që theksojnë se memorandumi që është përdorur, si vendim është i vjetër dhe ai nuk përdoret më shumë se 5 vjet.

Ekspertët, në anën tjetër, thonë se organet e drejtësisë dhe policia duhet të veprojë shpejt duke mos lënë hapësire për manipulime për një çështje kaq të ndjeshme ku preken dhe raportet ndëretnikë dhe ata fetare.

Qebir Avziu, ish zyrtar i lartë i organeve policore, aktualisht ligjërues në Fakultetin e Drejtësisë në Tetovë thotë se shumë lehtë mund të verifikohet nëse ka falsifikim të nënshkrimit dhe vulës së BFI-së dhe kjo duhet të bëhet sa më parë për të mos u lënë vend spekulimeve dhe ngritjes së tensioneve.

“Ka ekspertë të cilët janë përgjegjës në Ministrinë e Punëve të Brendshme, pra grafologeve u duhen vetëm 20 minuta të vërtetojnë nëse vula është ose jo origjinale, nëse ajo është vjedhur, kur është prodhuar vula dhe nëse ka firmë aty të kryetarit që përfaqëson Rijasetin është ose jo e falsifikuar”,sqaron për Radion Evropa e Lirë, Qebir Avziu.

Ndërkaq njohësit e çështjeve politike thonë se pas tensioneve në Bashkësinë Fetare Islame fshihen skenarë të errët për krijimin e trazirave gjatë fushatës për zgjedhjen e presidentit të shtetit dhe deinkurajimin e besimtarëve myslimanë për të dalë të votojnë me ç’rast drejtpërsëdrejti rrezikohet arritja e cenzusit që është kusht për të qenë zgjedhjet e suksesshme presidenciale.

Pavle Trajanov, ish ministër i Punëve të Brendshme tha për Radion Evropa e Lirë se tensionimi i situatës në Bashkësinë Fetare Islame mund të sjell pasoja të pariparueshme në një situatë zgjedhore siç ndodhet vendi.

“Është më se e qartë se këtu ka interes politik që të shkaktohet një çarje mes myslimaneve të cilët kryesisht janë shqiptarë, me qëllim që të prishet procesi zgjedhor, ngase dihet mirëfilli se BFI ka ndikim të theksuar mes besimtarëve dhe mund t’i drejtojë besimtarët të votojnë për njërin apo opsionin tjetër ose të mos votojnë fare”, thotë Trajanov.

Ndryshe, gjatë ditës, të gjitha partitë politike shqiptare, Bashkimi Demokratik për Integrim, Aleanca për Shqiptarët dhe Alternativa kanë theksuar se Bashkësia Fetare Islame është institucion i pavarur dhe autonom dhe si i tillë, politika duhet t’i mbajë larg duart dhe në asnjë mënyrë nuk duhet të përzihet.

Kreu i Bashkësisë Islame të Maqedonisë, Sulejman Rexhepi, paralajmëron se do t’i bëjë thirrje Komunitetit Mysliman për të bojkotuar raundin e dytë të zgjedhjeve presidenciale. Situata vjen pas përplasjes me Gjykatën e Shkupit, e cila ka vendosur që këtë bashkësi ta drejtojë një tjetër person.

Tensionet disavjeçare brenda Bashkësisë Fetare Islame apo keqpërdorimi i kësaj bashkësie fetare në fushatën zgjedhore për të ulur censusin në balotazhin e 5 Majit janë çështje që imponohen pas përplasjeve rreth kreut të ri të Bashkësisë Islame të Maqedonisë. Kreu i Bashkësisë Islame të Maqedonisë së Veriut mbrëmë pas një mbledhje të jashtëzakonshme të organit më të lartë të kësaj bashkësie bëri të ditur se qeveria aktuale punon kundër BFI-së, duke u kërcënuar se do të thërrasë pjesëtarët e komunitetit mysliman në Maqedoni të bojkotojnë rrethin e dytë të zgjedhjeve presidenciale.

Sulejman Rexhepi, kryetar i BFI të Maqedonisë: Të gjitha subjektet politike të proviencës islame nëse nuk e ngrejnë zërin tash, vota kurrë nuk kanë për të pasur prej popullit mysliman.

Përplasjet brenda BFI-së filluan kur një grup duke u thirrur në një vendim të Gjykatës Themelore në Shkup, pretendon se kryetar i këtij institucioni fetar është Skënder Buzaku.

Skënder Buzaku: Unë jam Skënder Buzaku, prijësi i Bashkësisë Islame. Në bazë të vendimit të gjyqit.

Qeveria e Maqedonisë së Veriut, Ministria e Brendshme, Komisioni për bashkësitë fetare dhe politikanët u distancuan nga këto ngjarje dhe përpjekjet për ndryshime në kreun e BFI-së. Në të kaluarën, Bashkësia Islame në Maqedoni kërkonte ndihmë nga autoritetet për tu ballafaquar me islamikët radikal, më pas duke akuzuar qeverinë se nuk ia kthen pronën e denacionalizuar, kurse pati akuza edhe se pushteti favorizon Kishën Ortodokse. /abcnews.al

Pas zhvillimeve të djeshme në BFI, ka reaguar edhe deputeti i LSDM-së Muhamed Zekiri. Përmes një statusi në facebook, Zekiri ka atakuar deputetët e BDI-së që dje dhe sot kanë folur shumë për drejtësië selektive.

Ja çfarë shkruan Zekiri në facebook:

“Më vjen keq që nuk jam sot në Kuvend. Kur Ejup Alimi dhe Artan Grubi flasin për drejtësi dhe drejtësi selektive, puna ka shkuar për dreq!!! Le të kujtohen se kush bashkë me “kryeshefin” emëronte gjykatës – Musa Xhaferi dhe Blerim Bexheti…
Kurse BFI është rrëfim në vete, siç ndodh kriminelët mbrojnë kriminelët. Loja e BDI-së me BFI-në është një përpjekje për të gjetur arsyetime për premtimet e parealizuara në zgjedhje. Fatmirësisht njerëzit prej kohësh nuk i besojnë atyre dhe as REZILËVE TË BFI-së.

P.S Përshëndetje edhe për Vllatko Gjorçevin”, shkruan Zekiri.

Më 23 prill 2019, në orën 9:30, në vendin e quajtur “Shtallat e Mateçit” në fshatin Mateç të komunës së Likovës janë gjetur predha RRF 40 mm, plumba me kalibër 7.62×56 mm, dy granata dore, një mbajtës i raketë RRF, dhe armatime të llojeve tjera.

Në vendin e ngjarjes ka kryer inspektim edhe ekipi i SPB-Kumanovë./Alsat-M

Komisioni për parandalimin e korrupsionit ka ngritur procedurë kundërvajtëse ndaj ministrit të ekonomisë Kreshnik Bekteshi, për shkak të ndikimit në punësimin e motrës së tij, raporton SHENJA.

Antikorrupsioni tha se ky konkurs pune për referent në ELEM ka qenë vend punë për të cilin kanë konkurruar mbi 70 persona, ndërsa pa asnjë shpjegim mbi atë se si janë filtruar kandidatët, lista e konkurrentëve ka ardhur në vetëm pesë persona, dhe më pas është punësuar edhe motra e tij. Por në asnjë moment nuk ka prova se si është punësuar, me çfarë merita.

Antikorrupsioni në mënyrë shtesë ka konstatuar se motra e Kreshnikut jeton në një adresë me të, dhe kjo edhe më tepër i bën të besojnë se ai ka ndihmuar punësimin e motrës. /SHENJA/

I vetëshpalluri kryetari i Bashkësisë Fetare Islame, Skender Buzaku, i cili është i emëruar në këtë funksion me vendim të gjykatës në deklaratë për “Makfaks” thotë se nuk do të bëj tensione dhe se nuk do ta merr me dhunë funksionin e BFI-së po këtë do ta bëjë në rrugë institucionale.

Sipas tij, momentalisht objekti i BFI-së është nën okupim dhe se do të kërkojë asistencë nga policia që të hyjë në vendin e tij të punës. Buzaku i bëri thirrje policisë financiare të kontrollojë punën në BFI dhe ta vërtetojë gjendjen faktike, përcjell Telegrafi Maqedoni.

Buzaku thotë se ka vendim nga gjykata dhe se kjo do të shpallet në “Gazetën Zyrtare” me çka, siç tha ai, Rexhepi nuk ka të drejtën e ankesës.

Ai shtoi se asgjë nuk zgjidhet me tensione dhe se ai nuk është këtu për të ofenduar por të shpërndajë dashuri dhe t’i bashkojë njerëzit dhe ta zbatojë misionin e tij në BFI. Buzaku thotë se BFI s’duhet të përzihet me politikë për shkak se BFI s’është parti politike por bashkësi fetare.

BFI: Është e pamundur që Sulejman Rexhepi të takohet me Skender Buzakun
Drejtoria e policisë financiare sot ka marrë kërkesë për kontroll financiar në BFI. Nga kjo drejtori demantojnë se tashmë kanë kontrolluar BFI-në.

“Drejtoria e policisë financiare i demanton informacionet e publikuara në disa media se më datë 23.04.209 nga ana e personave të autorizuar janë kontrolluar hapësirat e Bashkësisë Fetare Islame. Drejtoria e policisë financiare s’ka ndërmarrë veprime dhe aktivitete me qëllim që të kontrollohet puna financiare e BFI-së”, thonë nga policia financiare duke shtuar se më 24.04.2019 kanë marrë një paraqitje me kërkesë për kontroll financiar në BFI./Telegrafi/

Reis ul Ulema Sulejman Rexhepi është kthyer në selinë e Bashkësisë Fetare Islame në Shkup.
Ai ka thënë se është normale ardhja e tij në selinë e BFI-së dhe se do të vazhdoj me takimet dhe punën.
“Është krejt normale kjo ardhja ime. Kemi aktivitete tjera. Kam takim me Kiro Stojanovin. Biskupi i Kishës Katolike. Nuk kam pasur takime me asnjë parti politike”, ka deklaruar Sulejman Rexhepi pas ardhjes së tij në selinë e BFI-së, shkruan SHENJA.

Sulejman Rexhepi sot në mëngjes ka shkuar në zyrën e tij në Bashkësinë Fetare Islame edhe pse gjykata ka shellur vendim sipas të cilit ai nuk ushtron më këtë post. Sipas Gjykatës, reis i ri i BFI-së është Skender Buzaku, por Rexhepi nuk ka ndërmend të respektojë këtë vendim, merr vesh Gazeta Lajm nga burime të saj.

Këto burime thonë se kthimin e Rexhepit në BFI po e mbështet fuqishëm edhe partia shqiptare në pushtet, BDI. Nga ana tjetër Rexhepi ka akuzuar kryeministrin Zaev në mënyrë indirekte për vendimin e Gjykatës, që do të thotë se BFI mund të shkaktojë ftohje mes dy partive.

Situata në BFI sot raportohet e qetë dhe policia është larguar prej këtij institucioni.

Bashkësia Fetare Islame e Maqedonisë së Veriut (BFI) ka reaguar ndaj një vendimi Gjykatës Themelore të Shkupit, e cila për kryetar të këtij institucioni ka emëruar Skënder Buzakun, i cili tash e disa vite tenton të marrë drejtimin e BFI-së.

BFI-ja vendimin e ka quajtur “skandal primitiv” ndërsa kritika ka drejtuar edhe në adresë të qeverisë duke e akuzuar për ndërhyrje në punën e institucionit fetar. Rexhepi ka thënë se akti që ka ndodhur flet qartë se në vend nuk ka institucione, por shtet policor.

“Pse qeveria, shteti, dhe institucionet e tij janë të orientuara kundër BFI-së dhe nuk ndjekin punën edhe të bashkësive tjera fetare? Unë nuk jam kriminel, e as që kam fituar tenderë apo kam plaçkitur popullin. Përkundrazi kam marr shumë mirënjohje, duke filluar nga presidenti amerikan Donald Trump, Zoti i dhashtë fuqinë, ashtu siç është fuqi në botë.. kam shumë mirënjohje për paqe, mirëqenie dhe bashkëjetesë”, ka deklaruar kryetari I BFI-së, Sulejman Rexhepi duke bërë të ditur se me këtë rast është njoftuar bashkësia ndërkombëtare, e cila, siç tha, në vazhdimësi i ka dhënë mbështetje, por edhe ka shprehur befasinë për sulmet në vazhdimësi që i bëhen këtij institucioni.

Rijaseti (organi më i lartë i BFI-së) pas një seance të jashtëzakonshme ka konstatuar se kryetar i BFI-së mbetet Sulejman Rexhepi, ndërsa vendimin e gjykatës e ka quajtur “të manipuluar dhe falsifikuar” pasi sipas Rijasetit emërimet dhe shkarkimet në kreun e BFI-së i bëjnë organet e institucionit dhe jo gjykatat.

Rexhepi ka akuzuar grupin e Skender Buzakut për manipulim të dokumenteve dhe firmës së tij në të cilat është bazuar gjykata gjatë marrjes së vendimit. Skender Buzaku, imam në një xhami të Shkupit, pasi kishte marr vendimin e gjykatës kishte hyrë me zyrat e BFI-së prej nga edhe kishte shpallur veten, kryetar të institucionit më të lartë islam në Maqedoninë e Veriut.

“Unë jam Skënder Buzaku, Reisi i ri në bazë të vendimit të Gjykatës. Raportet do të inspektohet se si është punuar në BFI. Nuk ka puç në BFI, të gjitha veprimet janë bërë në përputhje me aktet e BFI-së”, kishte deklaruar Skender Buzuku.

Nga qeveria dhe gjykata themelore e Shkupit nuk kanë komentuar reagimet e BFI-së.

Shkup, 22 prill – Policia e Financiare është futur në zyrat e BFI-së. Ky lajm është kumtuar nga Skender Buzaku, i cili para gazetarëve tha se është reisi i ri BFI-së në Republikën e Maqedonisë së Veriut. Për detaje tjera, Buzaku ka deklaruar se do të prononcohet nesër, njofton KOHA.

“Kemi çuar letër deri te Policia Financiar për të kontrolluar punët e BFI-së, financat e tyre dhe mënyrën e punës. Kryetari i ri në bazë të akteve të brendshme dhe vendimit të Gjykatës, jam unë”, tha Buzaku para mediave. (koha.mk)