Përdorimi i pijeve me gaz mund te çojë në probleme serioze për shëndetin tuaj. Nuk është më një sekret të thuhet që soda është jo e shëndetshme, me kalori boshe të kombinimit të sheqerit, kimikateve dhe karbonit.
Por ja se çfarë i ndodh trupit tuaj nëse konsumoni në mënyrë sistematike pije me gaz.
1) Mund të fitoni peshë
Një nga efektet e dukshme anësore të pijeve me gaz është rreziku I shtimit të peshës nga kaloritë dhe sheqeri. Një masë prej 340 gram sode përmban rreth 150 kalori dhe deri në 40 gram sheqer. Pirja e një dite do të thotë të marrësh më shumë se 130.000 kalori shtesë në vit ose 15 kilogramë të shtuar.
2) Rritet rreziku për të pasur diabet të tipit 2
Pirja e sodës rrit nivelin e sheqerit në gjak dhe e stërmundon pankreasin tuaj duke prodhuar insulinë. Ajo çka këshillohet është ulja e konsumimit të pijeve me sheqer.
3) Trupi juaj plaket para kohe
Studiuesit nga Universiteti i Kalifornisë, San Francisko, zbuluan se njerëzit që pinë më shumë pije me gaz kishin skajet më të shkurtra të kromozomeve të tyre, të njohura si telomere. Kur telomeret janë më të shkurtër, qelizat nuk mund të rigjenerohen sa më shpejt, që do të thotë se do të ndodhë një plakje më e shpejtë e trupit. Kjo mund të çojë në sëmundjet e zemrës, diabeti dhe disa lloje të kancerit, dhe (pa dyshim) një jetëgjatësi më të shkurtër.
4) Zvogëlohen shanset për të ngelur shtatzënë
Sipas një studimi të vitit 2018 të publikuar në revistën epidemiologjike, konsumimi i vetëm një (ose më shumë) pijeve të gazuara me sheqer në ditë nga gratë shoqërohet me një shans të zvogëluar për t’u mbetur shtatzënë. Në mënyrë të veçantë, gratë që konsumonin të paktën një sodë në ditë kishin 25 për qind më pak fertilitet ndërsa burrat që pinin të njëjtën sasi treguan një 33 për qind më të ulët të fekondimit.
5) Mund të pësoni atak kardiak
Sëmundja e zemrës është shkaku kryesor i vdekjes për të rriturit në Amerikë, duke llogaritur 610,000 jetë në vit, sipas CDC. Megjithëse njerëzit zakonisht shoqërojnë shëndetin e dobët të zemrës me zakone të këqija si pirja e duhanit, por soda duhet të kryesojë listën. Konsumimi i 340 gram sode në ditë rrit rrezikun me 20 për qind e një sulmi në zemër. Pijet e gazuara kanë qenë gjithashtu të lidhura me nivele më të larta të triglicerideve dhe nivele të ulëta të HDL, ose kolesterolit, të cilat të gjitha çojnë në funksionimin e dobët të zemrës.
6) Ju mund të keni astma
Rreth një në 12 amerikanë vuajnë nga astma, një gjendje e mushkërive që zakonisht konsiderohet një sëmundje e shkaktuar nga poleni dhe myku. Por pije me sheqer dhe gaz mund të çojnë gjithashtu në sëmundjen e astmës. Bëni mirë që këto pije t’i zëvendësoni me një pije soft.
m.l/SCAN
