Nga Artin Spahiu
NATO tani!
A deshi që këtyre ditëve të fundit dikush ta shpëtojë kokën e ndonji politikani maqedon? Në konceptin dhe koshiencën e çdo maqedoni (fiks çdo maqedoni pa përjashtim) është e papranueshme një veprim që do të zhbënte identitetin kombëtar të tyre dhe që në historinë e kombit të tyre do të ishte etiketuar si “tradhëtar”.
Faleminderit komandant i UÇK-së dhe lideri politik i shqiptarëve,Ali Ahmeti , që edhe në situatat më pesimiste mbajte gjallë shpresën për integrime të shtetit tonë në strukturat euro-atlantike, duke mos mbajtur llogari për interesat miskine politike dhe individuale!
Faleminderit miqve tanë ndërkombëtarë dhe orientimit pro perëndimor të shqiptarëve në përgjithësi, përveç partickave që gjatë gjithë kohës në shërbim të njërës apo tjetrës parti “mëmë” maqedone (jam i sigurtë se asnjëra parti dhe asnji politikan maqedon nuk e deshte ndryshimin e emrit) , luanin që mos arrihet miratimi i një marrëvesheje historike dhe integruese me Greqinë!
