Një grua është arrestuar në Slloveni për mashtrim, pasi preu dorën me një sharrë rrethore në përpjekje për të fituar dëmshpërblime të majme nga kompanitë e sigurimeve.
Lajmi bëhet i ditur nga policia sllovene. Media lokale raporton se gruas iu ngjit dora pas një ndërhyrjeje të gjatë kirurgjikale në Qendrën Mjekësore në Universitetin e Lubjanës.
Gruaja, identiteti i saktë i së cilës nuk bëhet i ditur, shpresonte të merrte një dëmshpërblim prej 380 mijë dollarësh, pasi kishte nënshkruar kontrata me 5 kompani sigurimesh pak para incidentit.
Zëdhënësi i policisë, Valter Zrinski tha se 21-vjeçarja sëbashku me bashkëpunëtorin e saj 29-vjeçar, anëtar i të njëjtës familje, kanë përfunduar në pranga dhe rrezikojnë dënimin me deri në 8 vite burg nëse shpallen fajtorë. /tvklan.al
