Me nisjen e sezonit të verës, plazhi është i pashmangsëm nga të gjithë ne.
Por, gjatë kohës së plazhit duhet pasur parasysh edhe disa rregulla, të cilat janë në të mirë tonën por edhe të mjedisit, shkruan Dritare.net.
Në një vendim të datës 25.05.2014, të Këshillit të Ministrave janë përcatuar 9 rregulla të arta që çdo pushues duhet t’i dojë.
Rregullat e Arta
1. Noto vetëm në zonat e autorizuara dhe me sinjalistikë;
2. Respekto flamurin dhe informacionin e afishuar:
a) Flamur i gjelbër – lejohet notimi;
b) Flamur i verdhë – notim me masa mbrojtëse;
dhe c) Flamur i kuq – ndalohet notimi. 3. Mos shko të notosh nën ndikimin e alkoolit apo drogave;
4. Mos noto nëse ke ndonjë problem fizik;
5. Pusho për një orë pas ngrënies (drekës) para se të shkosh për notim;
6. Të miturit nën 16 vjeç duhet të jenë gjithmonë nën mbikëqyrjen e më të rriturve
7. Mos u hidh nga shkëmbinj apo platforma;
8. Ndiq udhëzimet e vrojtuesit (rojës së shpëtimit të jetës).
9. Mbani pastër mjedisin. / I.M-Dritare.net
