LSDM dega Tetovë, në një deklaratë për publikun, ka reaguar ndaj konferencës për shtyp të Lëvizjes BESA dhe këshilltares Hatie Etemi, në të cilën theksohet se do të kërkojnë riemërimin e 4 shkollave të mesme në Tetovë.
-Nga nesër, lëvizja BESA duhet të fillojë të merret me çështje thelbësore si në nivelin qendror ashtu edhe në atë lokal, dhe jo me servisimin e statistikave dhe informacioneve shoqërore të rrejshme, të “fryj” ide nacionaliste dhe fashiste, me qëllimin për të ngritur rejtingun e ulët të partisë në skenën politike.
Në kohën e globalizimit të plotë dhe përparimit në nivel botëror ku padyshim bën pjesë edhe vendi ynë, Lëvizja BESA merret me çështje që janë tërësisht të vjetëruara, duke përdorur ndjenjat dhe emocionet e qytetarëve në një mjedis ku proklamohet NJË SHOQËRI PËR TË GJITHË, Lëvizja BESA dëshiron që qytetarin maqedonas ta kthej disa dekada prapa, thuhet në deklaratë. Nga LSDM ja bëjnë me dije BESËS se ata nuk i kanë informacionet e duhura demografike.
Duke u udhëhequr nga maksima se mos dija nuk është mëkat, por refuzimi për të mësuar, le të tregojmë disa fakte dhe statistika nga Komuna e Tetovës. Është turp i madh për zonjën Etemi si këshilltare në Komunën e Tetovës që të mos i njohë këto numra. Është e vërtetë që popullsia shqiptare në Tetovë është dominuese, por numrat thonë ndryshe.
Nuk janë më shumë se 80% siç paraqet znj. Etemi, por 54.6%. Maqedonasit me 35.1%, Romët 4.5%, Turqit 3.6%, Serbët 1.1%, Boshnjakët dhe të tjerët nën 1%. Këto janë të dhëna nga regjistrimi i vitit 2002, dhe pse regjistrimi i vitit 2011 u ndërpre, arsyet duhet ti kërkoni diku tjetër, kështu që ne jemi të hendikepuar të njohim gjendjen aktuale duke pasur parasysh zhvendosjen masive në 13 vitet e kaluara, thonë nga LSDM Tetovë .
LSDM-ja reagon edhe në kontekstin historik të përmbajtjes së pikëpamjeve të BESËS dhe këshilltares Etemi.
– Në lidhje me propozimet tuaja për emrat e shkollave të mesme ne do të donim të bëjmë një krahasim, dhe absurd më i madh është se këshilltarja e respektuar nuk ka arritur të marrë informacione për njërin nga krijuesit dhe aktivistët më të mëdhenj të Maqedonisë Kiril Pejçinoviq duke e quajtur komunist.
Ne nuk e dimë se nga cilat libra ka mësuar znj. Etemi, por ja një historik të shkurtër nga historia maqedonase: Kiril Pejçinoviq është i lindur në 1771 në Tearcë. Kiril Pejçinoviq e kaloi tërë jetën duke mësuar njerëzit dhe ishte një nga themeluesit e letërsisë bashkëkohore maqedonase. Vdiq 1845 në Leshkë.
Gjoce Stojçeski është lindur në 1919 në Tetovë, punoi si bibliotekist në bibliotekën lokale dhe e dha jetën e tij për çlirim nga okupimi fashist në 1944.
Diçka që ju si këshilltare duhet ta dini dhe në emër të NJË SHOQËRI PËR TË GJITHË duhet të gjeni forca që së bashku me këshilltarët maqedonas dhe shqiptarë të votoni për kthimin e bustit Gjoce Stojçeski dhe Todor Ciposki – Merxhan në sheshin e Tetovës. Me jetën e tyre, Gjoce Stojçeski dhe Todor Ciposki – Merxhan e kanë “blerë” lirinë tuaj.
Mosha Pijade – piktor, gazetar, kritik arti, revolucionar dhe pjesëmarrës në Luftën Nacional Çlirimtare. I lindur në 1890 në Beograd, ai vdiq në 1957. Duke dhënë kontribut të dukshëm në federatën e asaj kohe dhe indirekt për vendin tonë.
Nikolla Shtejn – Megjithëse ishte një rus gjatë Luftës së Dytë Botërore, ai kontribuoi shumë në shpëtimin e jetëve njerëzore, duke i përdorur njohuritë e tij të gjera në fushën e mjekësisë. Një humanist i madh dhe adhurues i sportit të bardhë. Ai u vra në afërsi të Shkollës së Mesme Mjekësore në Tetovë, duke e dhënë jetën e tij për çlirimin e këtij qyteti dhe këtij vendi.
Të gjithë këta individë, veçanërisht Kiril Pejçinoviq dhe Gjoce Stojçe, kanë dhënë një kontribut të madh për këtë vend, në veçanti për qytetin e Tetovës. Duke pasur para sysh se jemi të pakët me informacionet e juaja në lidhje me emrat që ju propozoni, informatat qytetarëve do t’ua ofrojmë ne.
Ferid Murad – i lindur në 1936 në Indiana SHBA, fëmijë i një martese të përzier, babai shqiptar nga Shqipëria dhe nëna amerikane, aktualisht jeton në Uashington në Shtetet e Bashkuara. Gjithë jetën e tij e kaloi në Shtetet e Bashkuara, ku u shkollua, punoi dhe ndërtoi karrierën e tij. Prandaj, me gjithë respektin e duhur ndaj Z. Murad, do t’ju kërkojmë të na sqaroni rëndësinë dhe veprimtarinë e Ferid Murad kryesisht për Tetovën dhe pastaj për Maqedoninë.
Gjon Buzuku – shqiptar, prift katolik i lindur në 1499 në fshatin Lare në brigjet e Liqenit të Shkodrës. Thuhet se ka qenë peshkop dhe më parë murg, që merrej me…
Rexhep Voka – shkrimtar dhe aktivist i zgjimit kombëtar shqiptar, i lindur më 1847 në Shipkovicë, vdiq në 1917. Emrin e tij tashmë e mbajnë dy shkollave fillore në Shipkovicë dhe Brodec. Ne do të kërkojmë nga zonja e nderuar Etemi të na shpjegojë kontributin e Rexhep Vokës në kohën e tij në Tetovë dhe Maqedoni.
Hasan Tahsini – astronom, matematikan, filozof dhe imam në Ambasadën Osmane në Paris ku edhe u shkollua. I lindur në vitin 1811 në Kostandinopojë, atëherë pjesë e Perandorisë Osmane, ai vdiq në vitin 1881 në Stamboll. Emrin Hasan Tahsini e mbajnë dy shkolla fillore në fshatin Sedllarevë dhe fshatin Gurgurnicë. Prandaj na intereson kontributi i tij për Tetovën dhe Maqedonin.
Qytetarëve të Tetovës ju intereson ta shpjegoni motivin tuaj dhe të Lëvizjes BESA, pse i propozoni pikërisht këta emra, të cilët, po e përsërisim, nuk kanë asnjë rëndësi absolute për qytetin e Tetovës dhe Maqedoninë.
Si këshilltare në komunën e Tetovës, duhet të shqetësoheni për problemet e shumta dhe thelbësore nëpër shkolla me të cilat duhet të merreni, dhe jo me ide nacional-populiste. Organizata komunale e LSDM-së nga Tetova i pranon të gjitha idetë e juaja konstruktive dhe reale që kanë qëllim përmirësimin e jetës së qytetarëve të Tetovës dhe të Maqedonisë. Prandaj do të kërkonim nga Lëvizja BESA dhe Znj. Etemi të na shpjegojnë kontributin dhe punën e këtyre katër individëve në shoqërinë tonë, thuhet në reagimin e LSDM-së.
