Prej disa kohësh, Linda Rei, është kthyer në një nga personazhet më të komentuar të showbiz-it shqiptar.
Linda është mjaft e komentuar për jetën e luksit dhe udhëtimet luksoze që bën nëpër botë. Së fundmi, ajo ka zbuluar edhe burimin e të ardhurave për të bërë një jetesë të tillë.
Gjatë një interviste për “Panorama Plus”, Linda ka zbuluar se “kush po e karikon kaq fort”. ” Unë jam e zonja e vetes, që kur isha 18 vjeçe ika të jetoj vetëm në Firence dhe punoja nga ora 8 deri në 9 si parukiere e grimiere dhe nga ora 10:30 deri në 2:30 të natës si kamariere në bingo. T’ju them të drejtën, në njëfarë mënyre i kam zili ato femrat që presin dhe kanë çdo gjë nga burrat e tyre dhe burrat e të tjerave. Bravo u qoftë se nuk lodhen edhe aq shumë, çdo gjë qyl. Por unë kam një karakter shumë të fortë dhe nuk e ul dot kurrë kokën përpara një mashkulli, thjesht se më duhet diçka. Pastaj, dhuratat dhe çfarë mund të kem nga një histori dashurie është tjetër gjë, se unë nuk jam Nënë Tereza. Se unë e kam llastuar gjithmonë veten, e nëse jam me dikë, duhet të jetë plus në jetën time dhe kjo është më pak se normale”, është përgjigjur Rei.
