Një familje nga fshati Carabreg i Deçanit të Kosovës, ka strehuar një familje nga Durrësi i Shqipërisë, pas tërmetit tragjik që ndodhi në këtë qytet të martën, si pasojë e të cilit humbën jetën dhjetëra dhe u lënduan qindra persona.
Gjatë luftës së fundit në Kosovë, familja Qorraj kishte qëndruar për disa muaj te familja Kazanxhi në Durrës, raporton REL.
“Jemi miq të vjetër që nga koha e luftës. Nuk e kemi harruar miqësinë.
E patëm sikletin tonë atje dhe thamë me këtë rast po vijmë të takohemi me miqtë tanë, të çmallemi.
Gati jemi të rrëshqasim lotët nga malli, çfarë të them unë” thotë Mihal Kazanxhi.
