Nëpërmjet një postimi në twitter, kryeministri i Maqedonisë së Veriut ka reaguar për veprimin e sotëm të autoriteteve të Komunës së Tetovës, ku është shkatërruar ekspozita e sapovendosur e OJQ-ve, transmeton Portalb.mk.
“Për mua është e papranueshme çfarëdo kufizimi i lirisë së të shprehurit dhe zërit kritik të qytetarëve. Ne politikanët mundemi vetëm të mësojmë nga aktivitetet e qytetarëve dhe nga kritika e tyre, sado qoftë e pakëndshme. Duhet të përmirësojmë vazhdimisht shërbimin ndaj qytetarëve”, ka shkruar Zaev.
Ndryshe, para Pallatit të Kulturës në Tetovë u mbajt ekspozita “Të palarat në shesh” ku u vendosën fotografi me disa premtime të parealizuara nga ana e kryetares së tanishme të Komunës së Tetovës, Teuta Arifi, të cilat pak minuta pas vendosjes, u larguan nga autoritetet e komunës.
За мене е неприфатливо било какво ограничување на слободата на изразување и на критичкиот граѓански глас. Ние политичарите можеме само да научиме од граѓанските активисти и од нивната критика, колку и да е непријатна. Мораме постојано да го подобруваме служењето на граѓаните. https://t.co/ocHNT03YF1
— Зоран Заев (@Zoran_Zaev) November 11, 2019
