Ka edhe kështu. Dikush e mendon por dikush tjetër e bën, edhe pse kjo i kërkon më pas 15 vite kohë për ta ekspozuar në një galeri arti.
Artisti italian Maurizio Cattelan më i paguari në botë, vijon të mahnisë të apasionuarit pas tij si kritikët, këtë herë në ‘Art Basel’ të Maiami-t.
Ai ka krijuar një instalacion, që në thelb është diçka bazike dhe qesharake njëkohësisht e emërtuar “Comedian”.
Por çmimi i kësaj “vepre” nuk është aspak qesharak…120 mijë dollarë.
“Kryevepra” është një banane e ngjitur me një ngjitëse plastike gri në mur dhe qendron e ekspozuar dhe vizitohet nga vizitorët e galerisë .
Pasi ka dizejnuar dhe realizuar modele të ndryshme bananesh plastike apo me materiale të tjera,në fund artisti ka zgjedhur të vendosë një banane të vërtetë për ta ekspozuar në ‘Perrotin Gallery’.
Mediat e “justifikojnë” çmimin e lartë me argumentin se në këtë rast kemi të bëjmë me artin e Cattelan ndaj edhe çdo lloj shifre është e lejueshme.
Autori është i njohur për provokimet e tij artistike. Pak muaj më parë ai ekzposoi një ËC të artë e cila u vodh dhe zuri faqet e para të mediave botërore.
