Kur arrijmë lumturinë, tundimi për ta thënë fort para gjithë botës këtë arritje, është gjithmonë shumë i fortë, në fund të fundit, a nuk është ky misioni i të gjithëve? Megjithatë, meqë kemi të bëjmë me ndjenja fisnike dhe të pastra që i përkasin më së shumti brendësisë sonë, duhet të mësojmë t’i ruajmë dhe t’i mbajmë të sigurta nga të gjithë ata njerëz ziliqarë, të cilët mund të dëmtojnë qetësinë tonë.
RREZIKU
Zilia është mundim për atë që e provon dhe një rrezik për të tjerët. Kur arrijmë një gjendje mendore në të cilën ndjehemi vërtet të lumtur, është mirë të bëjmë kujdes nga ata persona që mund të jenë xhelozë për sukseset tona dhe që do të vepronin vetëm për të shkatërruar qetësinë që kemi gjetur.
PERSONAT
Jo të gjithë personat me të cilët kemi të bëjmë duan vërtetë lumturinë tonë, duhet të mësojmë të njohim ndjenjat e sinqerta të atyre që gëzohen për sukseset tona, dhe të mbajmë larg të gjithë ata që përpiqen të ulin fitoret tona për shkak të pasigurive dhe pakënaqësive personale.
ZILIA
Ndarja e arritjeve tuaja me një person ziliqar mund të jetë e rrezikshme. Këta individë në të vërtetë lëshojnë energji negative rreth nesh që mund të ndikojnë në paqen tonë të brendshme.
SI T’I DALLOSH
Për të jetuar lumturinë në mënyrën më të mirë dhe gjithçka që na ka dhënë jeta, është e nevojshme të çlirohemi nga njerëzit ziliqarë duke analizuar sjelljen e tyre, e cila në mënyrë të pashmangshme tenton të zvogëlojë të gjitha sukseset tona.
PERQENDROHUNI TEK VETJA
Nëse identifikoni një person ziliqar në jetën tuaj, por nuk mund ta hiqni atë, atëherë ndryshoni veten: mos e tregoni lumturinë tuaj, këta njerëz nuk mund të shkatërrojnë diçka që nuk e dinë. Përqëndrohuni vetëm te vetja dhe ndjenjat tuaja.
