Astrologët pretendojnë se Ujorët, kanë natyrën e tyre të fshehtë dhe të errët.
Personat e kësaj shenje njihen për energjinë e tyre të madhe dhe të fuqishme, por edhe aftësinë e tyre për të parë çdo problem nga këndvështrime të shumta, për ta analizuar atë dhe për të marrë vendime të zgjuara. Ata kanë një dëshirë të madhe për liri, ndaj shmangin njerëzit dhe situatat që i kufizojnë dhe i frenojnë.
Personat e lindur mes 21 janarit dhe 20 shkurtit janë zakonisht të ftohtë dhe të qetë, por mund të jenë shumë mizorë dhe të tregojnë anën tjetër nëse dikush i lëndon. Ujori është një shenjë fikse, që do të thotë se ata janë shumë të qëndrueshëm, por në të njëjtën kohë të kufizuar.
Shumë thonë se në fakt janë shenja më e keqe në horoskop. Njerëzit që nuk e njohin mirë një person të lindur nën këtë shenjë të zodiakut, do ta karakterizojnë sjelljen e tyre të zakonshme si të vrazhdë. Ata shpesh do të quhen një person i pakulturuar pa sjellje, por e vërteta është se ata veprojnë ashtu siç ndihen në atë moment dhe Ujorët nuk shohin asgjë të kundërshtueshme në këtë.
Shpesh e kanë të vështirë të arrijnë marrëdhënie të thella dhe të qëndrueshme emocionale, sepse mund të jenë të ndryshueshëm por edhe kokëfortë, gjë që e vështirëson ruajtjen e një lidhjeje. Ujorët gjithashtu mund të kenë një sens humori të keq. Ata shpesh dinë të bëjnë shaka në kurriz të dikujt tjetër ose të përmendin një temë të ndjeshme, prandaj të tjerët i konsiderojnë fyese./abcnews.al
