Të gjithë kemi dëgjuar për rëndësinë e sasisë së duhur të ujit, në mënyrë që të jemi të hidratuar. Uji është i nevojshëm për shumë arsye, duke përfshirë edhe përthithjen e lëndëve ushqyese, tretjen, mirëqenien e përgjithshme etj.
Për sa ujë kemi nevojë çdo ditë?
Sasia e ujit varet nga disa faktorë, por ekziston një nivel që përdoret në çdo studim apo sugjerim të ekspertëve. “Një njeri duhet të pijë rreth 3.7 litra për burrat dhe dhe 2.7 për gratë,” thotë Yaa Boakye, dietologe.
Ndryshe, në terma më konkretë kjo përkthehet në 15 gota ujë për burrat dhe 11 për gratë. Kjo shifër mund të ndryshojë në varësi të faktorëve të ndryshëm si mosha, pesha, aktiviteti fizik, gjendja e përgjithshme shëndetësore dhe mjedisi.
Përfitimet e pirjes së ujit gjatë gjithë ditës
Pas pirjes së ujit në mëngjes, duhet të ruani hidratim të vazhdueshëm duke rimbushur nivelet gjatë gjithë ditës, thonë ekspertët. Pirja nga pak gjatë ditës e gjithë sasisë së duhur të ujit, ndihmon sistemin tretës të funksionojë në mënyrën e duhur. Pirja rregullisht gjatë ditës, edhe kur nuk keni etje është një gjë e mirë.
Rreziqet e pirjes së tepërt të ujit menjëherë
Në raste ekstreme, pirja e tepërt e ujit brenda një periudhe shumë të shkurtër kohore mund të shkaktojë një gjendje të njohur si dehje me ujë, e cila nga ana tjetër mund të çojë në hiponatremi. Kjo është një gjendje serioze, ndoshta kërcënuese për jetën e shkaktuar nga uji, ndërsa nivelet e natriumit në trup bien shumë.
