Në një periudhë kur çmimet në Turqi kanë arritur nivele rekord, shumë qytetarë turq po i kthehen Greqisë për pushime, duke shkaktuar një rënie të dukshme në biznesin e restoranteve në qytetet turistike turke.
Qytetarët e zemëruar kanë përdorur rrjetet sociale për të ndarë faturat e tyre, duke përfshirë ekuivalentin e 640 dollarëve për ushqim dhe pije për pesë persona në Bodrum dhe 30 dollarë për pesë lugë akullore në Cesme. Ndërkohë, nga ishujt grekë të Mesdheut, vetëm pak kilometra larg, turqit tregojne se po paguajnë shumë më pak se çmimet në shtëpi.
“Ka një ndryshim të madh midis shërbimit dhe cilësisë së produktit, si dhe çmimeve aty-këtu,” tha Murat Yavuz, një bankier turk në pension që viziton rregullisht Greqinë. “Restorantët këtu kanë përdorur inflacionin si pretekst për të rritur çmimet.”
Çmimet e restoranteve dhe hoteleve u rritën mesatarisht me 91% në qershor krahasuar me një vit më parë, duke tejkaluar inflacionin prej 71.6%. Sektori përbën një të tretën e ekonomisë së shërbimeve që banka qendrore e ka theksuar si një shkak të veçantë shqetësues në luftën kundër rritjes së çmimeve.
Nisja e një programi të shpejtë të vizave në mars të këtij viti ka ndihmuar në përmirësimin e marrëdhënieve diplomatike dhe ka kontribuar në rritjen e numrit të turistëve turq në ishujt grekë. Turistët nga e gjithë bota gjithashtu po grumbullohen në Greqi, duke e bërë vendin të shqyrtojë kufizime për anijet turistike për të menaxhuar fluksin e lartë të vizitorëve.
Kivanc Meric, ekzekutiv në Shoqatën e Agjencive Turke të Udhëtimit, tha se pritet që numri i turqve që vizitojnë ishullin grek të Samos të rritet në 150,000 këtë vit, nga rreth 40,000 në vitin 2023. Meric shpjegoi se faktorët kryesorë për këtë ndryshim janë “mbivlerësimi” i lirës turke dhe çmimet e larta në Turqi.
Restorantet në Turqi po përballen me një rënie të fuqisë blerëse të klientëve. Kaplan Ilhan, kuzhinier në Kusadasi, tha se biznesi i tij ka rënë me 25% krahasuar me vitin e kaluar. Ai përmendi se përhapja e thashethemeve në mediat sociale se Greqia është më e lirë ka ndikuar në këtë trend.
Zinxhiri i restoranteve Big Chefs, me 128 degë, ka parë një rritje të numrit të klientëve, por shpenzimet për person kanë rënë. Kryetarja e kompanisë, Gamze Cizreli, nënvizoi se po shkurtojnë kostot për të përballuar rënien e shpenzimeve.
Baris Tansever, themelues i Sunset Grill & Bar në Stamboll, raportoi një rënie prej 25% në biznes nga viti i kaluar, duke e lidhur këtë me inflacionin e lartë dhe normat e interesit. Ai tha se çmimet e ngritura po bëjnë të pamundur për targetimin e klientëve të pasur që synonte kur hapi restorantin e tij në 1994.
