Tre persona në Spanjë kanë përfunduar në pranga nga policia spanjolle, ndërsa dy të tjerë janë shpallur në kërkim.
Sipas mediave të huaja, janë çmontuar tre plantacione të kultivimit të kanabisit në rajonin e Luginës së Guadalhorce. Ato ishin vendosur në dy magazina në komunat Cártama dhe Coín dhe në një shtëpi rurale në Álora.
Hetimi filloi marsin e kaluar kur agjentët mësuan për ekzistencën e një plantacioni të mundshëm të paligjshëm marijuane në një magazinë industriale në qytetin e Cártama. Për këtë arsye është kryer përgjimi, i cili ka çuar në arrestimin e një personi me kombësi spanjolle, i cili udhëtonte me furgon pranë vendit. Autori kishte gjithsej 380 bimë kanabis të fshehura brenda automjetit.
Agjentët mundën të verifikonin se ky rrjet kishte edhe plantacione të tjera në një magazinë në qytetin Coín dhe në një shtëpi të izoluar në bashkinë Álora, të cilat ishin lidhur ilegalisht me rrjetin elektrik për t’i furnizuar ato.
Më pas janë kryer tre kontrolle që kanë të bëjnë me sekuestrimin e 400 bimëve të kësaj lënde, 28 kg drogë dhe një armë zjarri 9 mm.Siç raportojnë mediat e huaja, të arrestuarit i përkasin kombësisë shqiptare dhe spanjolle.
Gjatë kontrolleve janë arrestuar tre anëtarë të këtij rrjeti, teksa pritet të përfundojnë në pranga dhe disa të tjerë. /vizionplus.tv
