Një ngjarje e rëndë është raportuar mbrëmjen e sotme në Durrës, ku një i moshuar është gjetur i pajetë në banesën e tij.
Ngjarja ka ndodhur në lagjen 16 të qytetit bregdetar. Ka qenë vajza e tij e cila ka njoftuar policinë pasi i moshuari nuk i ishte ëprgjigjur telefonatave të saj.
82-vjeçari jetonte i vetëm. Të njëjtat burime konfirmojnë se në trupin e 82-vjeçarit janë gjetur shenja të shumta goditjesh në trup dhe në fytyrë.
Policia ka hyrë në banesë pas marrjes së informacionit, ndërsa po heton për ngjarjen.
Nuk dihet ende se në çfarë rrethanash ka ndodhur ngjarja teksa policia ndodhet në vendin e ngjarjes dhe po punon për zbardhjen e plotë të rrethanave të kësaj ngjarje.
