Një i moshuar është gjetur i vdekur në banesën e tij në Durrës.
Bëhet fjalë për 82-vjeçarin Paulin Gina, i cili ka disa plagë thike në pjesën e fytyrës. Ngjarja ka ndodhur në lagjen 16 të qytetit. Ai jetonte i vetëm në banesë, pasi të afërmit i i kishte në Itali.
Kanë qenë familjarët e tij të cilët e kanë telefonuar, por 82-vjeçari nuk është përgjigjur.
Gazetari i ABC News, Leonidha Musai, raporton se familjarët më pas kanë telefonuar policinë, e cila ka shkuar në banesë dhe e ka gjetur pa shenja jete të moshuarin.
Policia dhe grupi hetimor po punon për zbardhjen e rrethanave të krimit.
