U kap me kokainë me vlerë 300 mijë euro, arrestohet 26-vjeçari shqiptar në Itali

Një 26-vjeçar shqiptar ka rënë në prangat e policisë italiane pasi ëhstë kapur me lëndë narkotike e llojit kokainë.

Mediat fqinje raportojnë se 26-vjeçarit shqiptar iu gjetën 3.4 kilogram kokainë e ndarë në 4 blloqe e cila ishte fshehur në sediljet e makinës.

I riu shqiptar, me banim në zonën e Milanos, ishte në timonin e një Mercedesi dhe u ndalua gjatë një prej kontrolleve të trafikut rrugor në Bolonja.

Sipas mediave në Itali qëndrimi i tij nervoz dhe i padurueshëm ka bërë që efektivët të kontrollojnë makinën, deri në zbulimin e lëndës narkotike, me peshë totale 3.44 kilogramë.

Sasia e kokainës së sekuestruar mund të arrinte deri në 300 mijë euro.

VIDEO BONUS:

https://youtu.be/YSOq2y7qWf4

https://youtu.be/fjhTlnkPxSM

https://youtu.be/9ne32GHnaWI