Në lidhje me videon e publikuar në rrjetet sociale, ku shihet një motoçikletë duke goditur një fëmijë dhe duke u larguar nga vendi i ngjarjes, Ministria e Punëve të Brendshme informon opinionin publik se janë ndërmarrë masa dhe aktivitete përkatëse, shoferi është identifikuar dhe ndaj tij do të ngrihet kallëzim penal me procedurë të shpejtë.
Ngjarja ka ndodhur më 02.04.2025, në orën 14:05, në kryqëzimin e rrugëve “Ferid Bajram” dhe “Alpi” në Shkup, kur një motoçijletë goditi një fëmijë tetëvjeçar dhe u largua nga vendi i ngjarjes, ndërsa fëmijës iu konstatuan lëndime trupore në Spitalin e Përgjithshëm të Qytetit “Shën Naum Ohri”.
Pas masave të marra, zyrtarët policorë të SPB Shkup e gjetën shoferin Ç.T. (63) nga Shkupi dhe ndaj tij do të ngrihet kallëzim penal për:
• Rrezikimin e sigurisë në trafik (neni 297 i Kodit Penal),
• Ngasje të pakujdesshme dhe të rrezikshme (neni 297A i Kodit Penal),
• Mosdhënien e ndihmës personit të lënduar në aksident trafiku (neni 301 i Kodit Penal).
Procedura do të zhvillohet me shpejtësi.
@tetovanews
@tn.lajmelokale
