Departamenti për Kontroll të Brendshëm, Hetime Kriminalistike dhe Standarde Profesionale pranë Ministrisë së Punëve të Brendshme ka dorëzuar kallëzim le am tek Prokuroria Themelore për Ndjekjen e Krimit të Organizuar dhe Korrupsionit, në lidhje me hetimet dhe ndjekjen e veprave penale të kryera nga persona me pushtet policor dhe anëtarë të policisë penale të burgjeve, ndaj tre policëve M.T., S.R., dhe F.GJ. nga Stacioni i Policisë së Njësisë Aerodrom në Shkup. Ata akuzohen për veprat penale “Malltretim gjatë ushtrimit të detyrës” sipas nenit 143 të Kodit Penal dhe “shkelje të paprekshmërisë së shtëpisë” sipas nenit 145 paragrafi 2 të Kodit Penal.
M.T. dhe S.R. më 24 shkurt 2025, para derës së një apartamenti në pronësi të një qytetari të Shkupit, njoftuan se ishin aty për një bisedë zyrtare lidhur me një ankesë të gruas së tij, por ai nuk i lejojti të hynin në shtëpi pasi nuk kishin një urdhër gjykate për hyrje në shtëpinë e tij. Pas kësaj, M.T. hyri në mënyrë të paligjshme në shtëpi dhe me forcë filloi të tërheqë viktimën, duke e goditur në këmbë dhe duke u përpjekur ta privonte nga liria, ndërsa veprimet e tij u kryen para djalit të mitur të viktimës.
Në këtë mënyrë, M.T. ka kryer dy vepra penale: “’Malltretim gjatë ushtrimit të detyrës” dhe “shkelje të paprekshmërisë së shtëpisë”, ndërsa S.R. dhe F.Ѓ. kanë kryer veprën penale “shkelje të paprekshmërisë së shtëpisë”.
Po ashtu, Departamenti për Kontroll të Brendshëm ka dorëzuar një kërkesë për fillimin e procedurës për përcaktimin e përgjegjësisë për shkelje të disiplinës profesionale dhe pezullimin e punonjësve nga detyra deri në përfundimin e procedurës disiplinore.
