Policia e Maqedonisë së Veriut ka ngritur kallëzim penal ndaj tre pjesëtarëve të policisë pasi pa leje janë future në një banesë duke ushtruar edhe dhunë fizike ndaj qytetarit, në prani të fëmijës së mitur, transmeton Portalb.mk.
“Ndaj zyrtarëve policor, M.T., S.R. dhe F.GJ. nga SPB Shkup është ngritur kallëzim penal për kryerjen e veprës penale “maltretim gjatë kryerjes së detyrës” dhe “prishje e paprekshmërisë së shtëpisë”, vepra të dënueshme në bazë të nenit 143 dhe 145 nga Kodi Penal”, njoftoi Policia, duke paralajmëruar edhe pezullim nga vendi i punës deri në zbardhjen e rastit.
I akuzuari i parë M.T. është futur dhunshëm në shtëpinë e viktimës, përkundër asaj se qytetari nuk e kishte lejuar për shkak se nuk kishin leje nga gjyqi.
“E ka goditur në këmbë dhe ka tentuar ta arrestuan, duke vepruar para fëmijës së mitur të viktimës”, sqaroi Policia, duke theksuar se ky veprim ka ardhur duke u thirrën në bazë të një ankese të bashkëshortes së viktimës.
Policia i parë akuzohet për dhunë dhe hyrje të paautorizuar, ndërsa dy policët tjerë vetëm për hyrje të paautorizuar.
