Mërgata Shqiptare dhe Përjetësimi i Kujtesës Kombëtare për një Vigan që emrin e ka skalitur në Qenien e një Populli

Mërgata Shqiptare dhe Përjetësimi i Kujtesës Kombëtare për një Vigan që emrin e ka skalitur në Qenien e një Populli

Ishte befasi e këndshme njoftimi i këshillit të fshatit Gajre, lidhur me ngritjen e memorialit të figurës që ndryshoi rrjedhën e historisë të  Heroit Kombëtar,

Rafi Halili

Busti për kushtrimdhënësin e një epoke , jo vetëm që përjetëson kontributin e jashtëzakonshëm të Rafi Halilit, por edhe frymëzon brezat e rinj për të ndjekur rrugën e atdhedashurisë, sakrificës dhe përkushtimit identitetit kombëtar.

Me modesti dhe përzemërsi, ata na u drejtuan për ndihmë simbolike, duke e bërë të pamundur të mos përgjigjemi pozitivisht. Mërgata shqiptare, sa herë që e ka kërkuar nevoja, gjithmonë është gjendur pranë, me përkushtim e kënaqësi, duke dhënë kontributin e saj, sado simbolik të ketë qenë. Edhe pse shpeshherë të heshtur, diaspora jonë është bërë shtyllë e fortë mbështetëse pa hezitim. Edhe sot, në një realitet ndryshe nga ai i dekadave të kaluara, ky shpirt solidariteti vazhdon të jetë i gjallë. Ky shpirt solidariteti është dëshmi e gjallë e lidhjes së pathyeshme me vendlindjen.

Me të lexuar lajmin, aty për aty rinohesh për më shumë se katër dekada dhe ekstremisht të parafytyrohet një emër: 

Ai që vrau tutën me një plumb, 

ngriti zemrën mbi çdo frikë, 

me një allti, nisi Luftën me Jugosllavi. 

Ai nuk shihte ëndrra, Ai i ushqente ato me zjarrin e sakrificës.

Ai që aq shumë e dashi jeten e lirë, sa që kurë s’e luti vdekjen. 

Ai i Madhi, Rafi Halili.

Një hero magjistral.

Të ndihmosh për përjetësimin e një emri të tillë nuk është vetëm një akt simbolik. Është një detyrë morale dhe një nder i madh për të gjithë ata që e ndiejnë përgjegjësinë ndaj historisë dhe brezave që 

Ishin emocione të forta që na pushtuan kur përfytyruam këtë figurë të pavdekshme, dhe pa hezitim e përqafuam këtë iniciativë duke falënderuar thellësishtë që edhe ne, si pjesë e mërgatës, u bëmë pjesë e këtij kontributi simbolik, por të madh në vlerë shpirtërore.

Me shokët veprimtarë si Remzi Loku, Xhemil Idrizi dhe aktivistin e dalluar Ibrahim Xhemajli, u angazhuam fuqishëm për grumbullimin e mjeteve, sado modeste, me qëllim që të jemi mbështetje për Këshillin në vendlindje e që kjo iniciativë të mos hasë në pengesa financiare.

Si duket, këshilli i fshatit Gajre na nderoi me një falënderim të veçantë, gjest i cili na emocionoi tepër. 

Ju themi faleminderit !

Por të jemi të sinqertë – nuk mjafton vetëm një bust. Institucionet komunale dhe shtetërore kanë për obligim të kujdesen për këto figura të mëdha të historisë sonë. Shtatorja është domosdoshmëri. Shtëpia e tij duhet të kthehet në muze kombëtar. Duhet të mblidhen poezitë, shkrimet, veprat e tij artistike e letrare, dhe të botohen libra, të xhirohen filma – në mënyrë që brezat e ardhshëm të mos harrojnë kurrë veprën e tij.

Ai nuk kërkoi lavdi, as emër të madh – vetëm një komb të bashkuar.
Amanetin e la.

Me respekt,
Havzi Sulejmani – Xhaxhi
Danimarkë