Mëngjesin e sotëm në “Koha për t’u zgjuar” me Klevin Mukën, në News24 ishte i ftuar këshilluesi i mjekësisë Holistike Nikola Ndoni. Ai u ndal në sëmundjen e shekullit, kanceri.
Ai ka shpjeguar se është e gabuar që kanceri të kuptohet si një sëmundje që lidhet me gjenetikën, ku në të vërtetë është një sëmundje metabolike.
Ndoni ka shpjeguar se qelizat kancerogjene ushqehen me sheqer dhe një aminoacit që quhet glutaminë.
Sipas tij sot kanceri trajtohet me terapi goditëse, por duhet të kuptojmë që edhe qelizat kancerogjene janë qeliza të trupit tonë.
Insulina e ngritur është sipas tij një nga shkaqet e formimit të kancerit.
“Pothuajse 70 deri në 80% e popullsisë pi cigare, atëhere pse nuk zhvillohet kanceri i mushkërisë te kjo popullsi me këto përmasa. Atëherë na del që shkaku kryesor është një stres i fuqishëm i zgjatur në kohë. Stres i shkaktuar nga një sëmundje nuk e di arsyet, ose stresi i përditshëm. Dhe tjetra pastaj që është shumë e rëndësishme janë traumat, goditjet psiqike, për shembull humbja e një njeriu të dashur është fillesa e ndryshimeve në trup. Stresi i vazhdueshëm krijon kushtet për krijimin e kancerit.Duhet të kompensohet insulina me adrenalinën. Si një makinë me frena dhe gaz. Nëse adrenalina nuk është në nivelet e duhura apo mungon fare krijon problem.
Sheqeri, glutamina, toksinat, stresi, metalet janë faktorët më të rëndësishëm që ndikojnë në këtë sëmundje.
Traumat dhe stresi i zgjatur janë shumë ndikuese. Një rol shumë të mirë ka agjërimi”, ka deklaruar ai.
@tetovanews
@tn.lajmelokale
